ഡല്‍ഹി: നടന് കിഷോര്‍ കുമാറിന്‍റെ ട്വിറ്റര്‍ അക്കൗണ്ട് സസ്പെന്‍ഡ് ചെയ്തു. സാമൂഹിക പ്രശ്നങ്ങളില്‍ വളരെ ക്രിയാത്മകമായി ഇടപെടുന്ന നടന് ട്വിറ്ററിന്‍റെ നിയമങ്ങള്‍ ലംഘിച്ചുവെന്നാണ് കമ്പനി ആരോപിക്കുന്നത്. സാമൂഹിക മാധ്യമത്തില്‍ വളരെ സജീവമായ കിഷോറിന്റെ ഏത് ട്വീറ്റാണ് അക്കൗണ്ട് സസ്പെൻഡ് ചെയ്യാൻ കാരണമെന്നത് വ്യക്തമല്ല. ട്വിറ്ററിന്‍റെ ഈ നിലപാടിനെതിരെ നിരവധിപ്പേരാണ് രംഗത്തെത്തിയിരിക്കുന്നത്. കിഷോറിന്റെ ട്വിറ്റർ ഹാൻഡിൽ പുന:സ്ഥാപിക്കണമെന്നും അവർ ആവശ്യപ്പെട്ടു. ഇലോൺ മസ്ക്കിനെ ടാഗ് ചെയ്തുള്ളതാണ് ആരാധകരുടെ മിക്ക ട്വീറ്റുകളും.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
കർഷക സമരത്തിന് പൂർണ്ണ പിന്തുണയുമായി നടൻ എത്തിയിരുന്നു. കൂടാതെ കശ്മീരി പണ്ഡിറ്റുകളുടെ പാലായനത്തേയും പശു സംരക്ഷകരേയും കുറിച്ച് സായ് പല്ലവി നടത്തിയ പ്രസ്താവന വിവാദമായപ്പോഴും നടിയെ പിന്തുണച്ച് കിഷോര്‍ രംഗത്തെത്തിയിരുന്നു. അതേസമയം, 2022-ൽ പുറത്തിറങ്ങിയ കന്നഡ ചിത്രം കാന്താരയിൽ ഫോറസ്റ്റ് ഓഫീസറായി മിന്നുന്ന പ്രകടനമാണ് കിഷോർ കാഴ്ചവെച്ചത്. മണിരത്നം സംവിധാനം ചെയ്ത പൊന്നിയിൻ സെൽവനിലും മികച്ച പ്രകടനം കാഴ്ച്ചവെക്കാന്‍ നടന് കഴിഞ്ഞിരുന്നു.
