തിരുവനന്തപുരം: സജി ചെറിയാന് വീണ്ടും മന്ത്രിയായി സത്യപ്രതിജ്ഞ ചെയ്തു. 6 മാസത്തിന് ശേഷമാണ് മന്ത്രിസഭയിലേക്ക് തിരിച്ചെത്തുന്നത്. രാജ്ഭവനില് നടന്ന ചടങ്ങില് ഗവര്ണര് ആരിഫ് മുഹമ്മദ് ഖാനാണ് സത്യവാചകം ചൊല്ലിക്കൊടുത്തത്. മുഖ്യമന്ത്രിയും മറ്റ് മന്ത്രിമാരും ചടങ്ങില് പങ്കെടുത്തു. പ്രതിഷേധ സൂചകമായി യു ഡി എഫ് ചടങ്ങ് ബഹിഷ്കരിച്ചു. സജി ചെറിയാനെ വീണ്ടും മന്ത്രിസഭയില് ഉള്പ്പെടുത്താന് പൊലീസിനെ ഉപയോഗിച്ച് മുഖ്യമന്ത്രി കള്ള റിപ്പോര്ട്ട് ഉണ്ടാക്കിയെന്നാണ് പ്രതിപക്ഷത്തിന്റെ ആരോപണം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സജി ചെറിയാനെതിരെ കോടതിയില് കേസുളളതിനാല് നിയമോപദേശം തേടിയതിനുശേഷമാണ് ഗവര്ണര് സത്യപ്രതിജ്ഞയ്ക്ക് അനുമതി നല്കിയത്. പത്തനംതിട്ടയിലെ മല്ലപ്പളളിയില് നടന്ന പാര്ട്ടി പരിപാടിയില് ഭരണഘടനാ വിരുദ്ധ പ്രസംഗം നടത്തിയതിന് ജൂലൈ ആറിനായിരുന്നു സജി ചെറിയാന് മന്ത്രിസ്ഥാനം രാജിവെച്ചത്.182 ദിവസത്തെ ഇടവേളയ്ക്ക് ശേഷമാണ് സജി ചെറിയാന് മന്ത്രി സഭയില് തിരിച്ചെത്തുന്നത്. മുൻപ് മന്ത്രി ആയിരുന്ന സമയത്ത് കൈകാര്യം ചെയ്തിരുന്ന ഫിഷറീസ്, സാംസ്കാരികം, സിനിമ, യുവജനക്ഷേമ വകുപ്പുകള് തന്നെയായിരിക്കും സജി ചെറിയാന് നൽകുകയെന്നാണ് സൂചന.