കോഴിക്കോട്: അടുത്ത വര്‍ഷം മുതല്‍ സംസ്ഥാന സ്‌കൂള്‍ കലോത്സവത്തിന് മാംസാഹാരം വിളമ്പുമെന്ന് വിദ്യഭ്യാസമന്ത്രി വി ശിവന്‍കുട്ടി. നോണ്‍ വെജ് ഭക്ഷണം വിളമ്പുന്നതില്‍ സര്‍ക്കാരിന് സന്തോഷംമാത്രമേയുളളു എന്നും വിവാദങ്ങള്‍ക്കുപിന്നില്‍ കലോത്സവം നന്നായി നടക്കുന്നതിനോടുളള അസൂയയാണെന്നും ശിവന്‍കുട്ടി പറഞ്ഞു. സംസ്ഥാന സ്‌കൂള്‍ കലോത്സവത്തില്‍ ഭക്ഷണമുണ്ടാക്കാന്‍ നിരന്തരം പഴയിടം മോഹനന്‍ നമ്പൂതിരിക്കുതന്നെ ടെന്‍ഡര്‍ കൊടുക്കുന്നതിനും വെജിറ്റേറിയന്‍ ഭക്ഷണം മാത്രം നല്‍കുന്നതിനുമെതിരെ സമൂഹമാധ്യമങ്ങളില്‍ വലിയ തോതില്‍ വിമര്‍ശനങ്ങളുയര്‍ന്നിരുന്നു. ഈ പശ്ചാത്തലത്തിലാണ് വിദ്യാഭ്യാസമന്ത്രിയുടെ പ്രതികരണം.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'കോഴിക്കോട് വരുന്ന കുട്ടികള്‍ക്ക് ബിരിയാണി കൊടുക്കണമെന്നായിരുന്നു എന്റെ ആഗ്രഹം. ഞാനത് ഉദ്യോഗസ്ഥരുമായി സംസാരിച്ചിരുന്നു. അറുപത് വര്‍ഷമായി ഇല്ലാത്ത ബ്രാഹ്‌മണ മേധാവിത്തം ഇപ്പോഴാണോ കാണുന്നത്. ഇത്രയധികം ആളുകള്‍ പങ്കെടുക്കുന്ന സ്ഥലത്ത് മാംസാഹാരം നല്‍കാനുളള പ്രയാസം കണക്കിലെടുത്താണ് അത് ചെയ്യാത്തത്. 15,000 എന്നത് വലിയ സംഖ്യയാണ്. വീട്ടില്‍നിന്നും മാറിനിന്ന് ഇത്തരം ഭക്ഷണം കഴിക്കുമ്പോള്‍ കുട്ടികള്‍ക്ക് എന്തെങ്കിലും ബുദ്ധിമുട്ടുണ്ടായാലോ എന്ന ആശങ്ക മാത്രമാണുണ്ടായിരുന്നത്. അടുത്ത വര്‍ഷം ഇക്കാര്യം നേരത്തെതന്നെ കുട്ടികളെയും അധ്യാപകരെയും രക്ഷിതാക്കളെയും അറിയിച്ച് എണ്ണം കണക്കാക്കി രണ്ടുതരം ഭക്ഷണവും വിളമ്പും'- മന്ത്രി പറഞ്ഞു.
