കൊച്ചി: നടന് ഗോവിന്ദന് കുട്ടിക്കെതിരെ വീണ്ടും പീഡന പരാതി. 2021- ലും 2022 -ലും മൂന്ന് തവണ വിവാഹ വാഗ്ദാനം നല്കി ഗോവിന്ദന് കുട്ടി ബലാത്സംഗം ചെയ്തുവെന്നാണ് യുവതിയുടെ പരാതി. കഴിഞ്ഞ മാസം മറ്റൊരു യുവതിയും ഗോവിന്ദൻകുട്ടിക്കെതിരെ ബലാത്സംഗത്തിന് പരാതി നൽകിയിരുന്നു. ഈ പരാതിയിൽ എറണാകുളം നോർത്ത് പോലീസ് ഗോവിന്ദൻ കുട്ടിക്കെതിരെ കേസെടുത്ത് അന്വഷണം നടത്തി വരുന്നതിനിടെയാണ് മറ്റാെരു യുവതി കൂടി സമാനമായ പരാതിയുമായി പൊലീസിനെ സമീപിച്ചിരിക്കുന്നത്.
ആദ്യ പരാതിയില് ബലാത്സംഗം, ദേഹോപദ്രവം ഏല്പ്പിക്കല് എന്നീ കുറ്റങ്ങളാണ് ചുമത്തിയിരുന്നത്. നടന് യുവതിക്ക് വിവാഹ വാഗ്ദാനം നല്കിയിരുന്നുവെന്നും പിന്നീട് ഇതേക്കുറിച്ച് ചോദിച്ചപ്പോള്, തന്നെ മര്ദിച്ചതായും യുവതി പരാതിയില് ആരോപിച്ചിരുന്നു. കേസ് പിന്വലിക്കണമെന്നാവശ്യപ്പെട്ട് ഗോവിന്ദന് കുട്ടി തന്നെ വാട്ട്സ് ആപ്പിലൂടെ ഭീഷണിപ്പെടുത്തിയെന്നും യുവതി പരാതിയില് പറയുന്നു.
ആദ്യ കേസില് നടന് എറണാകുളം സെഷന്സ് കോടതി മുൻകൂർ ജാമ്യം അനുവദിച്ചിരുന്നു. പോലീസ് അന്വേഷണം കാര്യക്ഷമമല്ലാത്തതാണ് പ്രതിയ്ക്ക് മുൻകൂർ ജാമ്യം ലഭിക്കാൻ ഇടായാക്കിയതെന്നും ആരോപണമുയര്ന്നുവരുന്നുണ്ട്. 'മുൻകൂർജാമ്യ വ്യവസ്ഥ ലംഘിച്ച് നടൻ തന്നെ നിരന്തരം ഭീഷണിപ്പെടുത്തുകയാണ്. നീതി തേടി താൻ ഹൈക്കോടതിയെ സമീപിച്ചിട്ടുണ്ടെന്നും' യുവതി പറഞ്ഞു.