തിരുവനന്തപുരം: കോണ്‍ഗ്രസ് നേതാവ് ശശി തരൂരിനെ വീണ്ടും പുകഴ്ത്തി എന്‍ എസ് എസ് ജനറല്‍ സെക്രട്ടറി ജി. സുകുമാരന്‍ നായര്‍. ഇന്ത്യന്‍ പ്രധാനമന്ത്രിയാകാന്‍ യോഗ്യതയുളള വ്യക്തിയാണ് ശശി തരൂരെന്നും അദ്ദേഹത്തിന്റെ പ്രവര്‍ത്തനവും അറിവും ലോകപരിചയവും അറിഞ്ഞപ്പോഴാണ് അദ്ദേഹം വിശ്വപൗരനായ കേരളീയനാണെന്ന് മനസിലായതെന്നും സുകുമാരന്‍ നായര്‍ പറഞ്ഞു. ഇന്ത്യന്‍ എക്‌സ്പ്രസിനു നല്‍കിയ അഭിമുഖത്തിലായിരുന്നു സുകുമാരന്‍ നായര്‍ ശശി തരൂരിനെ പുകഴ്ത്തിയത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'പ്രധാനമന്ത്രിയാകാന്‍ യോഗ്യതയുളള വ്യക്തിയാണ് ശശി തരൂര്‍. പക്ഷെ കൂടെ നില്‍ക്കുന്നവര്‍ അതിന് സമ്മതിച്ചില്ലെങ്കില്‍ എന്തുചെയ്യാനാകും? അധോഗതി എന്നല്ലാതെ വല്ലതും പറയാനുണ്ടോ? ഇത്രയും അറിവുളള മനുഷ്യന്‍ വേറെ ആരുണ്ട്?'-സുകുമാരന്‍ നായര്‍ ചോദിച്ചു.അതേസമയം, താന്‍ കേരളത്തിന്റെ മുഖ്യമന്ത്രിയാകാന്‍ തയാറാണെന്ന് ശശി തരൂര്‍ പറഞ്ഞു. കേരളത്തിലെ ജനങ്ങളാണ് ഇക്കാര്യം തീരുമാനിക്കേണ്ടതെന്നും അദ്ദേഹം പറഞ്ഞു. മനോരമാ ന്യൂസ് മേക്കര്‍ സംവാദത്തിലായിരുന്നു ശശി തരൂരിന്റെ പ്രതികരണം.
