ഡല്ഹി: ആര്എസ്എസ് മേധാവി മോഹന് ഭാഗവത് മുസ്ലീം ജനവിഭാഗത്തിനെതിരെ നടത്തിയ പരാമര്ശങ്ങള് ഭരണഘടനാ വിരുദ്ധവും നിയമവാഴ്ചയോടും തുല്യ അവകാശങ്ങളോടുമുള്ള വെല്ലുവിളിയുമാണെന്ന് സിപിഎം പോളിറ്റ്ബ്യൂറോ പ്രസ്താവനയില് പറഞ്ഞു. രാജ്യത്തെ എല്ലാ പൌരന്മാര്ക്കും തുല്യമായ അവകാശങ്ങളാണ് ഉള്ളത്. ഇതിനെതിരെ നടത്തുന്ന പരമര്ശങ്ങളും പ്രസ്താവനകളും അപലപനീയമാണ്- പി ബി ചൂണ്ടിക്കാട്ടി.
ആര്എസ്എസ് പ്രസിദ്ധീകരണത്തിന് നല്കിയ അഭിമുഖത്തിലാണ് മോഹന് ഭാഗവത് വിവാദ പരമര്ശങ്ങള് നടത്തിയത്. പഴയ തെറ്റുകള് തിരുത്താനുള്ള ഒരു യുദ്ധത്തിലാണ് ഹിന്ദുക്കള് എന്നും മുസ്ലീങ്ങള് മേല്കൊയ്മാ മനോഭാവം ഒഴിവാക്കണം എന്നും മോഹന് ഭാഗവത് അഭിമുഖത്തില് ആവശ്യപ്പെടുന്നു. ''ഹിന്ദുസമൂഹത്തില് നിന്നുണ്ടാകുന്ന അക്രമങ്ങളെ ഭാഗവത് ന്യായീകരിക്കുന്നു. എന്നാല് ഹിന്ദു സമൂഹമല്ല അക്രമങ്ങള് അഴിച്ചുവിടുന്നത്. ആര് എസ് എസിന്റെ പ്രചാരണങ്ങളില് പ്രചോദിതരായ ഹിന്ദുത്വ സംഘങ്ങളാണ് അത് ചെയ്യുന്നത്- സിപിഎം പോളിറ്റ്ബ്യൂറോ തുടരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ആര്എസ്എസ് മേധാവി മോഹന് ഭാഗവത് തന്റെ അഭിമുഖത്തിലൂടെ ഫലത്തില് രാജ്യത്തെ ഒരു വിഭാഗം പൌരന്മാര്ക്കെതിരില് കലാപാഹ്വാനം നടത്തുകയാണ് ചെയ്യുന്നത്. കീഴ്പ്പെട്ടു ജീവിക്കണം എന്ന അന്തരിച്ച ആര്എസ്എസ് നേതാവ് ഹെഗ്ഡെവാറിന്റെ ആഹ്വാനം ആവര്ത്തിക്കുകയാണ് ഇപ്പോള് മോഹന് ഭാഗവത് ചെയ്യുന്നത് എന്നും ദേശാഭിമാന ബോധമുള്ള വ്യക്തികളും ശക്തികളും ജനാധിപത്യത്തിനെതിരായ ഈ കടന്നാക്രമണത്തിനെതിരില് ഒന്നിച്ചണി നിരക്കണമെന്നും സിപിഎം പോളിറ്റ്ബ്യൂറോ പ്രസ്താവനയില് ആവശ്യപ്പെട്ടു.