ചെന്നൈ: ആരാധകര് അവരുടെ ഉത്തരവാദിത്വങ്ങള് തിരിച്ചറിഞ്ഞ് പ്രവര്ത്തിക്കണമെന്ന് സംവിധായകന് ലോകേഷ് കനകരാജ്. സിനിമയെ സിനിമയായി കാണണമെന്നും ജീവന് കളയരുതെന്നും സൂപ്പര്താര ആരാധകരോട് ലോകേഷ് പറഞ്ഞു. സിനിമ വിനോദത്തിനുവേണ്ടിയുള്ളതാണെന്നും ആഘോഷങ്ങള് അതിരുവിടരുതെന്നും അദ്ദേഹം കൂട്ടിച്ചേര്ത്തു. ആരാധകർ സന്തോഷത്തോടെ സിനിമ കണ്ട് സുരക്ഷിതമായി വീട്ടിലേക്ക് മടങ്ങണമെന്നാണ് തങ്ങള് ആഗ്രഹിക്കുന്നതെന്നും ആഘോഷത്തിന്റെ പേരിൽ ജീവൻ പണയപ്പെടുത്തേണ്ട കാര്യമില്ലെന്നും സംവിധായകൻ പറഞ്ഞു.
അജിത് നായകനായി എത്തിയ തുനിവ് സിനിമയുടെ റിലീസിനോട് അനുബന്ധിച്ച് നടത്തിയ ആഘോഷപരിപാടിക്കിടെ ആരാധകൻ മരിച്ചത് ഏറെ വാർത്താപ്രധാന്യം നേടിയിരുന്നു. ഇത്തരത്തിലുള്ള മരണങ്ങൾ മുൻപ് പലപ്പോഴും നടന്നിട്ടുണ്ടെന്ന് ചൂണ്ടിക്കാട്ടി സോഷ്യൽ മീഡിയയിലും ചർച്ചകൾ ഉയര്ന്നുവന്നിരുന്നു. ഈ സാഹചര്യത്തിലാണ് ലോകേഷ് തന്റെ നിലപാട് വ്യക്തമാക്കിയത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
നേര്ക്കൊണ്ട പാര്വൈ', 'വലിമൈ' എന്നീ സിനിമകള്ക്ക് ശേഷം എച്ച് വിനോദും അജിത്തും വീണ്ടും ഒന്നിക്കുന്ന സിനിമയാണ് തുനിവ്. കണ്മണി എന്നകഥാപാത്രത്തെയാണ് മഞ്ജു ഈ സിനിമയില് കൈകാര്യം ചെയ്യുന്നത്. താരത്തിന്റെ രണ്ടാമത്തെ തമിഴ് സിനിമയാണ് തുനിവ്. ആദ്യ ചിത്രം ധനുഷ് നായകനായി എത്തിയ അസുരനായിരുന്നു. ബോണി കപൂറാണ് സിനിമ നിര്മ്മിക്കുന്നത്. തിയറ്റര് റീലിസീന് ശേഷം നെറ്റ്ഫ്ലിക്സില് ചിത്രം സ്ട്രീം ചെയ്യുമെന്നാണ് അണിയറപ്രവര്ത്തകര് അറിയിച്ചിരിക്കുന്നത്.