കൊച്ചി: നീണ്ട ഇടവേളയ്ക്ക് ശേഷം മമ്മൂട്ടിയുടെയും മോഹന്ലാലിന്റെ സിനിമകള് ഒരേ ദിവസം റിലീസിനെത്തുന്നു. ബി ഉണ്ണികൃഷ്ണന് സംവിധാനം ചെയ്ത് മമ്മൂട്ടി നായകനായെത്തുന്ന ക്രിസ്റ്റഫര്, ഭദ്രന്റെ സംവിധാനത്തില് മോഹന്ലാല് ആടുതോമയായി എത്തിയ സ്ഫടികം സിനിമയുടെ റീമാസ്റ്റേര്ഡ് പതിപ്പുമാണ് ഒരേ ദിവസം തിയേറ്ററുകളില് എത്തുന്നത്. ഫെബ്രുവരി 9-നായിരിക്കും സിനിമകള് റിലീസ് ചെയ്യുകയെന്നാണ് ലഭിക്കുന്ന വിവരം.
1995-ലാണ് മോഹന്ലാല് നായകനായി എത്തിയ സ്ഫടികം റിലീസ് ചെയ്തത്. സിനിമയുമായി ബന്ധപ്പെട്ട് പുറത്തുവന്ന വിശേഷങ്ങള്ക്കെല്ലാം മികച്ച പ്രതികരണമാണ് ലഭിച്ചത്. റിലീസിന് മുന്നോടിയായുള്ള പ്രൊമോഷന്റെ ഭാഗമായി ചിത്രത്തിന്റെ ടീസര് അണിയറ പ്രവര്ത്തകര് കഴിഞ്ഞ ദിവസം പുറത്തുവിട്ടിരുന്നു. 'ഞാന് ആടുതോമ' എന്ന ഡയലോഗും, ഇത് എന്റെ പുത്തന് റൈയ്ബാന് ഗ്ലാസ് എന്ന ഡയലോഗും ടീസറില് ഉള്പ്പെടുത്തിയിട്ടുണ്ട്. രണ്ട് കോടിയോളം മുതല്മുടക്കിലാണ് റീ റിലീസിംഗ് എന്ന് ഭദ്രന് നേരത്തെ പറഞ്ഞിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, ബി ഉണ്ണികൃഷ്ണന് സംവിധാനം ചെയ്യുന്ന ക്രിസ്റ്റഫറിന് 'ബയോഗ്രഫി ഓഫ് എ വിജിലൻ്റ് കോപ്പ്' എന്നാണ് ടാഗ് ലൈന് നല്കിയിരിക്കുന്നത്. ത്രില്ലര് വിഭാഗത്തിലാണ് ചിത്രം ഒരുക്കിയിരിക്കുന്നത്. ആര് ഡി ഇല്യൂമിനേഷന്സ് ആണ് ചിത്രത്തിന്റെ നിര്മ്മാണം. മോഹന്ലാല് നായകനായി എത്തിയ ആറാട്ടിനു ശേഷം ഉദയകൃഷ്ണയുടെ തിരക്കഥയില് ബി ഉണ്ണികൃഷ്ണന് സംവിധാനം ചെയ്യുന്ന ചിത്രമെന്ന പ്രത്യേകതയും ക്രിസ്റ്റഫറിനുണ്ട്.