കൊല്ലം: കൊല്ലം ഉമയനല്ലൂരിലെ സ്കൂള് ബസ് മറിഞ്ഞ് അപകടം. മയ്യനാട് ഹയര്സെക്കന്ഡറി സ്കൂളിന്റെ ബസാണ് അപകടത്തില്പ്പെട്ടത്. സംഭവത്തില് പരിക്കുപറ്റിയ 18 കുട്ടികളെ കൊല്ലം മെഡിസിറ്റി ആശുപത്രിയില് പ്രവേശിപ്പിച്ചു. ആരുടെയും പരുക്ക് ഗുരുതരമല്ലെന്നാണ് ഇപ്പോള് ലഭിക്കുന്ന വിവരം. അമിത വേഗതയിലായിരുന്ന ബസ് നിയന്ത്രണം വിട്ട് മതിലില് ഇടിച്ചാണ് അപകടമുണ്ടായതെന്ന് പൊലീസ് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഇന്ന് രാവിലെ എട്ടോടെയാണ് സംഭവം. വിദ്യാര്ത്ഥികളുടെ കരച്ചില് കേട്ട് ഓടികൂടിയ നാട്ടുകാരാണ് രക്ഷാപ്രവർത്തനം നടത്തി കുട്ടികളെ ആശുപത്രിയില് എത്തിച്ചത്. മയ്യനാട് ഹയര് സെക്കന്ററി സ്കൂളിന് വേണ്ടി കരാര് വ്യവസ്ഥയില് ഓടുന്ന സ്വകാര്യ വ്യക്തിയുടെ ബസാണ് അപകടത്തില്പ്പെട്ടത്. സംഭവത്തില് ഇതുവരെ സ്കൂള് അധികൃതര് പ്രതികരിച്ചില്ല.