ജമ്മു കശ്മീര്: രാഹുല് ഗാന്ധി നയിക്കുന്ന ഭാരത് ജോഡോ യാത്ര ജമ്മു കശ്മീരില് പ്രവേശിച്ചു. ഹാറ്റ്ലി മോറില് നിന്ന് ഇന്നാണ് പദയാത്ര ആരംഭിച്ചത്. കര്ശന സുരക്ഷയാണ് രാഹുല് ഗാന്ധിക്ക് ഒരുക്കിയിരിക്കുന്നത്. ചില പ്രദേശങ്ങളില് സുരക്ഷാ പ്രശ്നങ്ങളുണ്ടെന്ന് കേന്ദ്ര അന്വേഷണ ഏജന്സികള് നിര്ദ്ദേശം നല്കിയിട്ടുണ്ടെങ്കിലും മുഴുവന് ദൂരവും കാല്നടയായി സഞ്ചരിക്കാനാണ് കോണ്ഗ്രസ് തീരുമാനിച്ചിരിക്കുന്നതെന്നാണ് മാധ്യമങ്ങള് റിപ്പോര്ട്ട് ചെയ്യുന്നത്. അതേസമയം, ജമ്മു കശ്മീര് മുന് മുഖ്യമന്ത്രിയും പിഡിപി അധ്യക്ഷയുമായ മെഹബൂബ മുഫ്തി, നാഷണല് കോണ്ഫറന്സ് അധ്യക്ഷനും മുന് മുഖ്യമന്ത്രിയുമായ ഫാറൂഖ് അബ്ദുളള, സിപിഎം നേതാവ് തരിഗാമി എന്നിവര് ഭാരത് ജോഡോ യാത്രയില് പങ്കെടുക്കും.
ഈ മാസം 30 - നാണ് ഭാരത് ജോഡോ യാത്ര അവസാനിക്കുന്നത്. സമാപന സമ്മേളനത്തിലേക്ക് 23 പാര്ട്ടികളെ ക്ഷണിച്ചതായി കോണ്ഗ്രസ് നേതൃത്വം നേരത്തെ അറിയിച്ചിരുന്നു. സിപിഐയെ കൂടാതെ സിപിഎം, ഡിഎംകെ, ജെഡിയു തുടങ്ങിയ പ്രതിപക്ഷ കക്ഷികളും പങ്കെടുക്കുമെന്നാണ് കോണ്ഗ്രസ് പ്രതീക്ഷിക്കുന്നത്. ശ്രീനഗറില് വെച്ച് നടക്കുന്ന സമാപന സമ്മേളനത്തില് രാജ്യത്തെ പ്രതിപക്ഷ കക്ഷികളുടെ ശക്തി തെളിയിക്കാനാണ് കോണ്ഗ്രസ് ലക്ഷ്യം വെയ്ക്കുന്നത്.
സെപ്തംബര് ഏഴിന് കന്യാകുമാരിയില് നിന്നാണ് യാത്ര ആരംഭിച്ചത്. തമിഴ്നാട്, കേരളം, കര്ണാടക, ആന്ധ്രാപ്രദേശ്, തെലങ്കാന, മഹാരാഷ്ട്ര, ഉത്തര്പ്രദേശ്, മഹാരാഷ്ട്ര, മധ്യപ്രദേശ്, രാജസ്ഥാന്, ഡല്ഹി, ഹരിയാന, പഞ്ചാബ് എന്നീ സംസ്ഥാനങ്ങള് പിന്നിട്ടാണ് ഭാരത് ജോഡോ യാത്ര കശ്മീരിലെത്തിയത്. ജനുവരി 25-ന് ബനിഹാലില് ത്രിവര്ണ പതാകയുയര്ത്തും. 27-ന് അനന്ത്നാഗ് വഴിയാണ് ശ്രീനഗറില് പ്രവേശിക്കുക.