ഡല്‍ഹി: പ്രധാനമന്ത്രി നരേന്ദ്രമോദിയെയും ഗുജറാത്ത് കലാപത്തെയുംകുറിച്ചുളള ബിബിസിയുടെ ഡോക്യുമെന്ററി നിരോധിക്കാനുളള കേന്ദ്രസര്‍ക്കാര്‍ ശ്രമത്തിനെതിരെ പ്രതിഷേധവുമായി ജെഎന്‍യു വിദ്യാര്‍ത്ഥി യൂണിയന്‍. ഡല്‍ഹി ജവഹര്‍ലാല്‍ നെഹ്‌റു യൂണിവേഴ്‌സിറ്റിയില്‍ ഡോക്യുമെന്ററി പ്രദര്‍ശിപ്പിച്ച് പ്രതിഷേധിക്കാനാണ് വിദ്യാര്‍ത്ഥി യൂണിയന്റെ തീരുമാനം.
നാളെ രാത്രി 9 മണിക്കാണ് ഡോക്യുമെന്ററി പ്രദര്‍ശിപ്പിക്കുക. ഇന്നലെ യൂണിവേഴ്‌സിറ്റി ഓഫ് ഹൈദരാബാദില്‍ വിദ്യാര്‍ത്ഥികള്‍ ഡോക്യുമെന്ററി പ്രദര്‍ശിപ്പിച്ചിരുന്നു. ഇരുന്നൂറോളം വിദ്യാര്‍ത്ഥികളാണ് ഡോക്യുമെന്ററി കാണാനായി ഒത്തുകൂടിയത്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
കേന്ദ്ര വാര്‍ത്താ വിതരണ മന്ത്രാലയത്തിന്റെ നിര്‍ദേശമനുസരിച്ച് ട്വിറ്ററും യൂട്യൂബും ഡോക്യുമെന്ററി നീക്കംചെയ്യുമ്പോള്‍ ലഭ്യമായ ലിങ്കുകള്‍ പങ്കുവെച്ചാണ് പ്രതിപക്ഷത്തെ നേതാക്കള്‍ പ്രതിഷേധിക്കുന്നത്. മറച്ചുവയ്ക്കാന്‍ ഒന്നുമില്ലെങ്കില്‍ ഡോക്യുമെന്ററി നിരോധിക്കുന്നത് എന്തിനാണ് എന്നാണ് പ്രതിപക്ഷത്തിന്റെ ചോദ്യം.
അതേസമയം, ഡോക്യുമെന്ററിയുടെ രണ്ടാം ഭാഗം നാളെ യുകെയില്‍ സംപ്രേക്ഷണം ചെയ്യും. അധികാരം നിലനിര്‍ത്താനായി നരേന്ദ്രമോദി സ്വീകരിച്ച മുസ്ലീംവിരുദ്ധ നിലപാടുകളെക്കുറിച്ചാണ് രണ്ടാംഭാഗമെന്ന് ബിബിസി നേരത്തെ വ്യക്തമാക്കിയിരുന്നു.
