മലപ്പുറം: പി എഫ് ഐ നേതാക്കളുടെ സ്വത്ത് കണ്ടുകെട്ടുന്നതിന്റെ മറവില് അനീതി നടപ്പാക്കരുതെന്ന് എസ് കെ എസ് എസ് എഫ് സംസ്ഥാന വൈസ് പ്രസിഡന്റ് സത്താല് പന്തല്ലൂര്. മിന്നല് ഹര്ത്താല് മൂലം 5.2 കോടി നഷ്ടമാണ് ഉണ്ടായത് എന്നാണ് കണക്കെന്നും ഇപ്പോള് കണ്ടുകെട്ടപ്പെട്ട സ്വത്തുക്കളുടെ ന്യായവില കണക്കുകൂട്ടിയാല് തന്നെ കഴിഞ്ഞ കാലങ്ങളില് കേരളത്തിലുണ്ടായ മുഴുവന് ഹര്ത്താലിന്റെയും നഷ്ടം ഇവരുടെ അടുത്തുനിന്നും ഈടാക്കുകയാണെന്ന് തോന്നിപ്പോകുമെന്നും സത്താര് പന്തല്ലൂര് പറഞ്ഞു.
'കുറ്റവാളികളാണെങ്കിലും അവര്ക്കും നീതി ലഭ്യമാക്കണം. ഇന്നലെ സമര്പ്പിച്ച റിപ്പോര്ട്ടില് പറയുന്നത് 236 സ്വത്തുക്കള് കണ്ടുകെട്ടി എന്നാണ്. 5.20 കോടി നഷ്ടമാണ് മിന്നല് ഹര്ത്താലില് ഉണ്ടായതെന്നാണ് കണക്ക്. കണ്ടുകെട്ടപ്പെട്ട സ്വത്തുക്കളുടെ ന്യായവില കണക്കുകൂട്ടിയാല് തന്നെ കഴിഞ്ഞ കാലങ്ങളില് കേരളത്തിലുണ്ടായ മുഴുവന് ഹര്ത്താലിന്റെയും നഷ്ടം ഇവരുടെ അടുത്തുനിന്നും ഈടാക്കുകയാണെന്ന് തോന്നിപ്പോകും. സ്വത്ത് കണ്ടുകെട്ടുന്നതില് അനീതി നടപ്പാക്കരുത്'- സത്താര് പന്തല്ലൂര് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പി എഫ് ഐക്കാരില്നിന്ന് പിടിച്ചെടുക്കേണ്ട സ്വത്ത് പിടിച്ചെടുക്കണമെന്നതില് തര്ക്കമില്ല. അതുപോലെ മറ്റ് രാഷ്ട്രീയ പാര്ട്ടികളും ഇവിടെ ഹര്ത്താല് നടത്താറുണ്ട്, സമരം നടത്താറുണ്ട്. പൊതുമുതല് നശിപ്പിക്കാറുണ്ട്. അവരില്നിന്നും സ്വത്ത് പിടിച്ചെടുക്കണം. പക്ഷെ അതിന്റെ പേരില് അനീതിയുണ്ടാവരുത്. പോപ്പുലര് ഫ്രണ്ട് ഹര്ത്താലിന്റെ പേരില് മുസ്ലീം ലീഗ് പ്രവര്ത്തകന്റെ സ്വത്ത് കണ്ടുകെട്ടുക, ഹര്ത്താലിന് ആറുമാസം മുന്പ് മരണപ്പെട്ട ആളുകളുടെ സ്വത്ത് കണ്ടുകെട്ടുക തുടങ്ങിയ പാകപ്പിഴകള് സംഭവിച്ചിട്ടുണ്ട്. അത്തരം വീഴ്ച്ചകള് പരിശോധിക്കണം.'- അദ്ദേഹം കൂട്ടിച്ചേര്ത്തു.