ഡല്ഹി: കൊട്ടിഘോഷിച്ചു നടത്തിയ കോവിഡ് പാക്കേജിലൂടെ മറ്റു രാജ്യങ്ങള് പണം പാഴ്ചെലവിലൂടെ ധൂര്ത്തടിക്കുകയാണ് ചെയ്തതെന്ന് പ്രധാനമന്ത്രി നരേന്ദ്രമോദിയുടെ മുഖ്യ സാമ്പത്തിക ഉപദേഷ്ടാവ് സഞ്ജീവ് സന്യാല് പറഞ്ഞു. ദീര്ഘകാലാടിസ്ഥാനത്തില് ഇന്ത്യയുടെരീതിയാണ് ശരിയെന്നു തെളിയുമെന്നും സന്യാല് കൂട്ടിച്ചേര്ത്തു. മറ്റുരാജ്യങ്ങള് ലോക്ക് ഡൌണ് പ്രഖ്യാപിക്കുന്നതിനു മുന്പുതന്നെ പാക്കേജ് പ്രഖ്യാപിക്കുകയാണുണ്ടായത്. എന്നാല് ഇന്ത്യയാകട്ടെ നേരിട്ട് ലോക്ക് ഡൌണിലേക്ക് കടക്കുകയാണ് ചെയ്തത്. ഇതാണ് ശരിയായ തീരുമാനമെന്നും സാമ്പത്തിക ഉപദേഷ്ടാവ് പറഞ്ഞു.
അതേസമയം ഇന്ത്യ സാമ്പത്തിക പ്രതിസന്ധിയെ മറികടക്കുമെന്ന് പ്രധാനമന്ത്രി നരേന്ദ്ര മോദിയുടെ സഞ്ജീവ് സന്യാല് ആത്മവിശ്വാസം പ്രകടിപ്പിച്ചു. അതിനായുള്ള ഊര്ജിത പ്രവര്ത്തനങ്ങള് രണ്ടാംഘട്ട ലോക്ക് ഡൌണ് അവസാനിക്കുന്ന മെയ് 3 - നു തന്നെ ആരംഭിക്കുമെന്നും സഞ്ജീവ് സന്യാല് പറഞ്ഞു. പ്രതിസന്ധി മറികടക്കുക എന്ന ലക്ഷ്യത്തോടെ പ്രധാനപ്പെട്ട ഉദ്പാദന മേഖലകളുടെ ലോക്ക് ഡൌണ് വിലക്കില് അയവു വരുത്തും. ഇതിനായുള്ള അന്തിമ പ്രഖ്യാപനം സര്ക്കാരിന്റെ ഭാഗത്തുനിന്ന് ഉടന് ഉണ്ടാകുമെന്നും സഞ്ജീവ് സന്യാല് പറഞ്ഞു.