ഡല്ഹി: ധനമന്ത്രി നിര്മ്മല സീതാരാമന് ബജറ്റ് അവതരണം ആരംഭിച്ചു. ഇന്ത്യന് സമ്പത്ത് വ്യവസ്ഥ ശരിയായ ദിശയിലാണെന്ന് നിര്മ്മല സീതാരാമന് പറഞ്ഞു. ലോകം ഇന്ത്യയുടെ വിജയത്തെ അഭിനന്ദിക്കുന്നു. വളര്ച്ചയുടെ ഫലം എല്ലാ വിഭാഗങ്ങളിലേക്കും എത്തിക്കും. പിഎം അന്ന ഗരീബ് യോജന ഒരു വര്ഷത്തേക്ക് കൂടി നീട്ടി. ബജറ്റ് അടുത്ത 100 വര്ഷത്തേക്കുള്ള ബ്ലൂപ്രിന്റ് ആണെന്നും ധനമന്ത്രി പറഞ്ഞു. രണ്ടാം മോദി സര്ക്കാരിന്റെ അവസാന സമ്പൂര്ണ ബജറ്റാണ് നിര്മ്മല സീതാരാമന് അവതരിപ്പിച്ചുക്കൊണ്ടിരിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഹരിത വികസനമാണ് സർക്കാർ ലക്ഷ്യം വയ്ക്കുന്നതെന്നും ധനമന്ത്രി വ്യക്തമാക്കി. ഇന്ത്യ വ്യവസായ രംഗത്ത് നവീകരിക്കപ്പെട്ട രാജ്യമായി. പിഎഫ് അംഗത്വമെടുത്തവരുടെ എണ്ണം ഇരട്ടിയായെന്നും കേന്ദ്രമന്ത്രി പറഞ്ഞു. യുവാക്കളുടെയും,സ്ത്രീകളുടെയും ക്ഷേമത്തിന് ഊന്നൽ നൽകിയിട്ടുണ്ട്. വലിയ അവസരങ്ങളാണ് യുവാക്കൾക്കായി തുറന്നിട്ടിരിക്കുന്നതെന്നും ബജറ്റ് അവതരണത്തിനിടെ മന്ത്രി പറഞ്ഞു. നിർമലാ സീതാരാമൻ അവതരിപ്പിക്കുന്ന അഞ്ചാമത്തെ ബജറ്റാണ് ഇത്. അതേസമയം, 9 സംസ്ഥാനങ്ങളില് നിയമസഭാ തെരഞ്ഞെടുപ്പ് നടക്കാനിരിക്കെയാണ് ബജറ്റ് അവതരണം.