ഡല്ഹി: ഒരുപാട് ദൂരം നടക്കുന്നതിലല്ല, ഒരുപാട് വോട്ടുകള് സമാഹരിക്കുന്നതിലാണ് കോണ്ഗ്രസ് മിടുക്കുകാട്ടേണ്ടതെന്ന് എഴുത്തുകാരന് രാമചന്ദ്ര ഗുഹ. ഇന്ത്യയില് ജനാധിപത്യത്തെ പുനരുജ്ജീവിപ്പിക്കണമെങ്കില് ഒരു ഭൂരിപക്ഷ പാര്ട്ടി മറ്റ് പ്രതിപക്ഷ പാര്ട്ടികളെ തകര്ക്കാതെ കാക്കണമെന്നും ആ ഉദ്യമത്തിന്റെ മുന്പന്തിയില് നില്ക്കാന് കോണ്ഗ്രസിനേ സാധിക്കുകയുളളുവെന്നും രാമചന്ദ്ര ഗുഹ പറഞ്ഞു. 'ഇന്ത്യാ ആഫ്റ്റര് ഗാന്ധി' എന്ന തന്റെ പുസ്തകത്തിന്റെ മൂന്നാം പതിപ്പിന്റെ പ്രകാശനച്ചടങ്ങിലായിരുന്നു അദ്ദേഹത്തിന്റെ പ്രതികരണം.
'ഇന്ത്യയില് ജനാധിപത്യത്തെ പുനരുജ്ജീവിപ്പിക്കണമെങ്കില് ഒരു ഭൂരിപക്ഷ പാര്ട്ടി മറ്റ് പ്രതിപക്ഷ പാര്ട്ടികളെ തകര്ക്കാതെ കാക്കണം. ആ ഉദ്യമത്തിന്റെ മുന്പന്തിയില് നില്ക്കാന് കോണ്ഗ്രസിനേ കഴിയൂ. എന്നാല് കേവലം ഒരു മാര്ച്ച് നടത്തിയതോടുകൂടി എല്ലാമാവില്ല. അതിന് പരമാവധി വോട്ടുകള് സമാഹരിക്കാനാവണം. വസ്തുനിഷ്ടമായി പറഞ്ഞാല്, എട്ടുമുതല് പന്ത്രണ്ട് വരെ സംസ്ഥാനങ്ങളില് വ്യക്തമായ വേരുകളുളള പാര്ട്ടിയാണ് കോണ്ഗ്രസ്. അതുകൊണ്ട് 1970-കളില് തുടങ്ങി 2014-ല് അവസാനിച്ചതുപോലെയുളള ശക്തമായ പ്രതിപക്ഷം രാജ്യത്തുണ്ടാവുക എന്നത് അനിവാര്യമാണ്. എങ്കില് മാത്രമേ ജനാധിപത്യത്തെ തിരികെ കൊണ്ടുവരാന് സാധിക്കൂ'- രാമചന്ദ്ര ഗുഹ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ജനാധിപത്യത്തെ പുനരുജ്ജീവിപ്പിക്കുന്ന കാര്യത്തില് പ്രതിപക്ഷ സഖ്യകക്ഷികള്ക്ക് പ്രധാന പങ്കുവഹിക്കാനുണ്ടെന്നും ബിഹാറില് ആര്ജെഡിയും ജെഡിയുവും, മഹാരാഷ്ട്രയില് എന്സിപിയും ശിവസേനയും തമിഴ്നാട്ടില് ഡിഎംകെയും കോണ്ഗ്രസിനൊപ്പം നില്ക്കണമെന്നും രാമചന്ദ്ര ഗുഹ കൂട്ടിച്ചേര്ത്തു.