തിരുവനന്തപുരം: മുസ്ലീം യൂത്ത് ലീഗ് സംസ്ഥാന സെക്രട്ടറി പി കെ ഫിറോസിന് ജാമ്യം. തിരുവനന്തപുരം മജിസ്ട്രേറ്റ് കോടതിയാണ് ഫിറോസിന് ജാമ്യം അനുവദിച്ചത്. അദ്ദേഹത്തോടൊപ്പം അറസ്റ്റിലായ 28 യൂത്ത് ലീഗ് പ്രവര്ത്തകര്ക്കും നേരത്തെ ജാമ്യം ലഭിച്ചിരുന്നു. പൊതുമുതല് നശിപ്പിച്ചതിനുളള നഷ്ടപരിഹാരം കെട്ടിവച്ചതിനെത്തുടര്ന്നാണ് പ്രവര്ത്തകര്ക്ക് ജാമ്യം ലഭിച്ചത്.
യൂത്ത് ലീഗിന്റെ സെക്രട്ടറിയേറ്റ് മാര്ച്ചിലുണ്ടായ സംഘര്ഷവുമായി ബന്ധപ്പെട്ട് ജനുവരി 23-നായിരുന്നു പി കെ ഫിറോസിനെ പൊലീസ് അറസ്റ്റ് ചെയ്തത്. രണ്ടാഴ്ച്ചയായി അദ്ദേഹം റിമാന്ഡിലായിരുന്നു. പൊലീസിനെ ആക്രമിക്കല്, പൊതുമുതല് നശിപ്പിക്കല് തുടങ്ങിയ ജാമ്യമില്ലാ വകുപ്പുകള് ചുമത്തിയാണ് ഫിറോസിനെ അറസ്റ്റ് ചെയ്തത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
യൂത്ത് ലീഗ് സെക്രട്ടറിയേറ്റിലേക്ക് നടത്തിയ മാര്ച്ചില് പൊലീസും പ്രവര്ത്തകരും തമ്മില് സംഘര്ഷമുണ്ടായിരുന്നു. മാര്ച്ച് അക്രമാസക്തമായതോടെ പൊലീസ് കണ്ണീര്വാതകവും ഗ്രനേഡും പ്രയോഗിച്ചാണ് പ്രവര്ത്തകരെ പിരിച്ചുവിട്ടത്.