ഡല്ഹി: കേരളത്തിലും വിദേശത്തുമായി സ്റ്റേജ് ഷോ നടത്താമെന്നു പറഞ്ഞ് 39 ലക്ഷം രൂപ തട്ടിയെന്ന കേസില് സണ്ണി ലിയോണ് നല്കിയ മുന്കൂര് ജാമ്യഹര്ജി പിന്വലിച്ചു. കേരളാ ഹൈക്കോടതിയില് നല്കിയ ഹര്ജിയാണ് പിന്വലിച്ചത്. കേസ് റദ്ദാക്കണമെന്നാവശ്യപ്പെട്ട് നടിയും ഭർത്താവ് ഡാനിയൽ വെബെറും ഇവരുടെ കമ്പനി ജീവനക്കാരനായ സുനിൽ രജനിയും നൽകിയ ഹർജി കോടതിയുടെ പരിഗണനയിലുണ്ട്. ഈ സാഹചര്യത്തിലാണ് മുൻകൂർ ജാമ്യ ഹർജി സണ്ണി ലിയോണ് പിൻവലിച്ചതെന്നാണ് മാധ്യമങ്ങള് റിപ്പോര്ട്ട് ചെയ്യുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
പെരുമ്പാവൂർ സ്വദേശി ഷിയാസ് കുഞ്ഞുമുഹമ്മദ് നൽകിയ പരാതിയിലാണ് സണ്ണി ലിയോൺ, ഭര്ത്താവ് ഡാനിയല് വെബര്, ഇവരുടെ കമ്പനി ജീവനക്കാരന് സുനില് രജനി എന്നിവര്ക്കെതിരെ കേസ് രജിസ്റ്റര് ചെയ്തത്. 2019ൽ കൊച്ചിയിൽ വാലന്റൈൻസ് ഡേ പരിപാടിയിൽ പങ്കെടുക്കാമെന്നുള്ള കരാർ ഉണ്ടാക്കി പണം കൈപ്പറ്റി വഞ്ചിച്ചെന്നായിരുന്നു ഷിയാസ് നൽകിയ പരാതി. എന്നാല് ഷോ നടത്താമെന്ന് പറഞ്ഞ് പണം തരാതെ തന്നെയാണ് പരാതിക്കാരന് പറ്റിച്ചതെന്നും അതിനാല് കേസ് റദ്ദാക്കണമെന്നുമാണ് സണ്ണി ലിയോണ് നല്കിയിരിക്കുന്ന ഹര്ജിയില് അവശ്യപ്പെട്ടിരിക്കുന്നത്.