ഷിംല: ഹിമാചല്പ്രദേശിലെ അദാനി വില്മര് കമ്പനിയില് റെയ്ഡ്. പര്വാനോയിലെ അദാനി വില്മര് സ്റ്റോറിലാണ് സംസ്ഥാന എക്സൈസ്-നികുതി വകുപ്പ് പരിശോധന നടത്തിയത്. കഴിഞ്ഞ അഞ്ച് വര്ഷമായി കമ്പനി ജി എസ് ടി വെട്ടിപ്പ് നടത്തിയെന്ന ആരോപണത്തിന് പിന്നാലെയാണ് സംസ്ഥാന സര്ക്കാര് റെയ്ഡ് നടത്തുന്നത്. ബുധനാഴ്ച രാത്രി വൈകിയാണ് അദാനി വില്മര് സ്റ്റോറില് റെയ്ഡ് നടന്നത്. കമ്പനി ഗോഡൗണില്നിന്നുള്ള വിവിധ രേഖകളടക്കം ഉദ്യോഗസ്ഥര് പരിശോധിച്ചുവെന്നാണ് ദേശിയ മാധ്യമങ്ങള് റിപ്പോര്ട്ട് ചെയ്യുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അദാനി ഗ്രൂപ്പിനും സിങ്കപ്പൂര് ആസ്ഥാനമായി പ്രവര്ത്തിക്കുന്ന വില്മര് ഗ്രൂപ്പിനും പങ്കാളിത്തമുള്ള സ്ഥാപനമാണ് അദാനി വില്മര് ഗ്രൂപ്പ്. ഹിമാചല്പ്രദേശില് മാത്രം ഗ്രൂപ്പിന്റെ ഏഴ് സ്ഥാപനങ്ങളാണ് പ്രവര്ത്തിക്കുന്നത്. അതേസമയം, രാജ്യത്തെ പ്രധാന വ്യവസായി ഗൗതം അദാനി ഫോബ്സിന്റെ സമ്പന്നരുടെ പട്ടികയിൽ ആദ്യ ഇരുപതിൽ നിന്ന് പുറത്തായി. ഹിൻഡൻബർഗ് വിവാദത്തെ തുടർന്നുണ്ടായ വീഴ്ചയെ തുടർന്നാണ് അദാനിക്ക് വൻനഷ്ടമുണ്ടായത്. കഴിഞ്ഞ ദിവസം എഫ്പിഒ പിൻവലിച്ചതോടെ കമ്പനികളുടെ ഓഹരി വില കൂപ്പുകുത്തി. ഇതുവരെ അദാനിയുടെ മൂല്യത്തിലുണ്ടായ ഇടിവ് 10 ലക്ഷം കോടിയിലേക്ക് അടുക്കുന്നുവെന്നാണ് മാധ്യമങ്ങള് റിപ്പോര്ട്ട് ചെയ്യുന്നത്. അദാനി ഗ്രൂപ്പ് ഓഹരി മൂല്യം പെരുപ്പിച്ച് കാണിക്കുന്നുവെന്ന റിപ്പോര്ട്ടാണ് ഹിന്ഡന്ബര്ഗ് അടുത്തിടെ പുറത്തുവിട്ടത്.