ഡല്ഹി: ദക്ഷിണാഫ്രിക്കയില് നിന്ന് 12 ചീറ്റകളെ കൂടി ഇന്ത്യയില് എത്തിക്കുമെന്ന് കേന്ദ്രസര്ക്കാര് അറിയിച്ചു. ഫെബ്രുവരി 18 -ന് 7 ആൺ, 5 പെൺ പുള്ളിപ്പുലികളെയാണ് ഇന്ത്യയിലേക്ക് കൊണ്ടുവരിക.12 ചീറ്റകളിൽ ഒൻപത് എണ്ണത്തിനെ റൂയ്ബെർഗിൽ നിരീക്ഷണത്തിൽ പാർപ്പിച്ചിരിക്കുകയാണ്. ബാക്കിയുള്ളവയെ ഫിൻഡ, ക്വാസുലു എന്നിവടങ്ങളിലും പാർപ്പിച്ചിട്ടുണ്ട്. മധ്യപ്രദേശിലെ കുനോ ദേശീയോദ്യാനത്തിലേക്ക് തന്നെയാണ് ഈ ബാച്ച് ചീറ്റകളെയും എത്തിക്കുന്നത്.
പ്രൊജക്റ്റ് ചീറ്റയുടെ ഭാഗമായി അഞ്ച് വർഷം കൊണ്ട് 50 ചീറ്റകളെ ഇന്ത്യയിൽ എത്തിക്കാനാണ് കേന്ദ്രസർക്കാർ തീരുമാനിച്ചിരിക്കുന്നത്. കഴിഞ്ഞ വര്ഷം സെപ്റ്റംബർ 17നാണ് നമീബിയയിൽ നിന്ന് 8 ചീറ്റകളെ ഇന്ത്യയിലേക്ക് കൊണ്ടുവന്നത്. ഇതില് 3 ആണ് ചീറ്റയും 5 പെണ് ചീറ്റയുമാണുള്ളത്. ഇന്ത്യയില് നിന്ന് ഇവക്ക് വംശനാശം സംഭവിച്ചിട്ട് അര നൂറ്റാണ്ടിലേറെയായി.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ലോകത്തില് ആദ്യമായിട്ടാണ് ഒരു ഭൂഖണ്ഡത്തില് മറ്റൊരു ഭൂഖണ്ഡത്തിലേക്ക് ചീറ്റയെ മാറ്റിയത്. ലോകത്തില് ജീവിച്ചിരിക്കുന്ന 7000 ത്തോളം ചീറ്റകളില് ഭൂരിപക്ഷവും ദക്ഷിണാഫ്രിക്കയിലെ നമീബിയ, ബോട്സ്വാന എന്നിവിടങ്ങളിൽ കാണപ്പെടുന്നത്. വംശനാശ ഭീഷണി നേരിടുന്ന ചീറ്റകളെ ഇന്ത്യയില് അവസാനമായി കണ്ടത് 1967 -68 കാലഘട്ടത്തിലാണ്.