ചെന്നൈ: നടനും മക്കള് നീതി മയ്യം പ്രസിഡന്റുമായ കമല്ഹാസന് തമിഴ്നാട്ടില് കോണ്ഗ്രസിന് വേണ്ടി പ്രചാരണത്തിനിറങ്ങും. ഈറോഡ് ഈസ്റ്റ് മണ്ഡലത്തില് നടക്കുന്ന ഉപതെരഞ്ഞെടുപ്പില് കോണ്ഗ്രസ് സ്ഥാനാര്ഥി കെ വി കെ എസ് ഇളങ്കോവന് വേണ്ടിയാണ് കമല് ഹാസന് പ്രചാരണത്തിനിറങ്ങുക. ഈ മാസം 19-നാണ് കമല് ഹാസന് പ്രചാരണത്തിനെത്തുക. ഡിഎംകെ സഖ്യ സ്ഥാനാര്ഥിയെ പിന്തുണയ്ക്കുമെന്ന് കമല് ഹാസന് നേരത്തെ അറിയിച്ചിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
അതേസമയം, രാഹുല് ഗാന്ധി നയിച്ച ഭാരത് ജോഡോ യാത്രയിലും കമല് ഹാസന് പങ്കെടുത്തിരുന്നു. തമിഴ്നാട്ടില് ഡിഎംകെ- കോണ്ഗ്രസ് സഖ്യത്തിനൊപ്പം ചേരാന് മക്കള് നീതി മയ്യം ശ്രമങ്ങള് നടത്തുന്നുണ്ട്. ഇതിന്റെ ഭാഗമായാണ് കമല് ഹാസന് കോണ്ഗ്രസ്സ്ഥാനാര്ഥിക്ക് വേണ്ടി പ്രചാരണത്തിനിറങ്ങുന്നത്. മണ്ഡലത്തിൽ കെ.എസ് തെന്നരസുവാണ് എഐഡിഎംകെ സ്ഥാനാർഥി. ഈ മാസം 27-നാണ് ഈറോഡ് ഈസ്റ്റ് മണ്ഡലത്തില് തെരഞ്ഞെടുപ്പ് നടക്കുന്നത്.