തിരുവനന്തപുരം: കേരളം സുരക്ഷിതമല്ലെന്ന ആഭ്യന്തര മന്ത്രി അമിത് ഷായുടെ പരാമര്‍ശം തളളി എംവി ഗോവിന്ദന്‍. ലോകത്തെ ഏറ്റവും സുരക്ഷിതമായ സ്ഥലം കേരളമാണെന്നും ഇവിടം സുരക്ഷിതമല്ലെന്ന് അന്ധവിശ്വാസങ്ങളിലും അനാചാരങ്ങളിലും അധിഷ്ടിതമായ രാഷ്ട്രീയത്തില്‍ വിശ്വസിക്കുന്നവര്‍ മാത്രമേ പറയുകയുളളു എന്നും എം വി ഗോവിന്ദന്‍ പറഞ്ഞു.
തൊട്ടടുത്ത് കേരളമുണ്ട് താന്‍ അതില്‍കൂടുതല്‍ ഒന്നും പറയുന്നില്ലെന്നും കര്‍ണാടക സുരക്ഷിതമായി നിലനിര്‍ത്താന്‍ ബിജെപിക്കു മാത്രമേ സാധിക്കുകയുളളു എന്നുമായിരുന്നു കര്‍ണാടകയില്‍ നടന്ന തെരഞ്ഞെടുപ്പ് പ്രചാരണ പരിപാടിക്കിടെ അമിത് ഷാ പറഞ്ഞത്. ഇതിനോടായിരുന്നു എം വി ഗോവിന്ദന്റെ പ്രതികരണം.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
'1700 പോപ്പുലര്‍ ഫ്രണ്ട് പ്രവര്‍ത്തകരെ കോണ്‍ഗ്രസ് തുറന്നുവിട്ടപ്പോള്‍ പ്രധാനമന്ത്രി നരേന്ദ്രമോദി പി എഫ് ഐയെ നിരോധിച്ച് അത് പൂര്‍ണമായി അടച്ചുപൂട്ടി. കോണ്‍ഗ്രസ് രാജ്യവിരുദ്ധ ഘടകങ്ങള്‍ക്ക് ശക്തിപകരുകയാണ്. അവര്‍ക്ക് കര്‍ണാടകയെ സംരക്ഷിക്കാനാവില്ല. നിങ്ങളുടെ തൊട്ടടുത്ത് കേരളമാണ്. ഞാന്‍ അതിനെക്കുറിച്ച് കൂടുതല്‍ പറയേണ്ടതില്ലല്ലോ? കര്‍ണാടകയെ സുരക്ഷിതമായി നിലനിര്‍ക്കാന്‍ ബിജെപി അധികാരത്തില്‍ തുടരണം'-എന്നായിരുന്നു അമിത് ഷാ പുത്തൂരില്‍ നടന്ന പൊതുപരിപാടിയില്‍ പറഞ്ഞത്.
