കണ്ണൂര്: സിപിഎം സംസ്ഥാന സെക്രട്ടറി എം വി ഗോവിന്ദന് നയിക്കുന്ന ജനകീയ പ്രതിരോധ യാത്രയില് പങ്കെടുക്കാതെ എല് ഡി എഫ് കണ്വീനര് ഇ പി ജയരാജന്. കണ്ണൂര് ജില്ലയില് ജാഥയ്ക്ക് നല്കിയ സ്വീകരണ പരിപാടിയില് ഇ പി ജയരാജന് പങ്കെടുത്തിരുന്നില്ല. ക്ഷണം ലഭിച്ചിട്ടും എല് ഡി എഫ് കണ്വീനര് ജാഥയില് നിന്നും മാറി നില്ക്കുന്നത് സിപിഎം കേന്ദ്രങ്ങളില് വലിയ രീതിയിലുള്ള ചര്ച്ചയ്ക്ക് വഴിയൊരുക്കിയിട്ടുണ്ട്.
നേതൃത്വത്തോടുള്ള അതൃപ്തി തുടരുന്നതിനാലാണു ജാഥയിൽ ഇ.പി പങ്കെടുക്കാത്തത് എന്നാണ് മുഖ്യധാര മാധ്യമങ്ങള് റിപ്പോര്ട്ട് ചെയ്യുന്നത്. സംസ്ഥാനകമ്മിറ്റിയംഗം പി. ജയരാജന്റെ പരാതിയിൽ ഉയർന്ന റിസോർട്ട് വിവാദം ഇ പി ജയരാജന് വലിയ തലവേദനയാണ് സൃഷ്ടിച്ചത്. ഇതിനുപിന്നില് സിപിഎമ്മിലെ മുതിര്ന്ന നേതാക്കള്ക്ക് പങ്കുണ്ടെന്നാണ് ജയരാജന് അനുകൂലികള് ആരോപിക്കുന്നത്.
എന്നാല് താന് ജാഥ അംഗമല്ലെന്നും മറ്റുപരിപാടികള് ഉള്ളതിനാലാണ് ജനകീയ പ്രതിരോധ യാത്രയില് പങ്കെടുക്കാത്തതെന്നും ഇ പി ജയരാജന് മാധ്യമങ്ങളോട് പറഞ്ഞു. വരും ദിവസങ്ങളിൽ ഇപി ജാഥയിൽ പങ്കെടുക്കുമെന്നാണ് കഴിഞ്ഞ ദിവസം മാധ്യമങ്ങളോട് എംവി ഗോവിന്ദൻ വ്യക്തമാക്കിയത്. ഇപി ജയരാജന് ജാഥയിൽ നിന്നും വിട്ടുനിൽക്കേണ്ട സാഹചര്യമില്ലെന്നും ഗോവിന്ദൻ പറഞ്ഞിരുന്നു. അതേസമയം, കണ്ണൂരിലെ പര്യടനം പൂര്ത്തിയാക്കി ഇന്ന് ജാഥ വയനാട്ടിലേക്ക് പ്രവേശിക്കും.