ചെന്നൈ: തമിഴ്നാട് മുഖ്യമന്ത്രി എം കെ സ്റ്റാലിന്റെ സപ്തതിയോട് അനുബന്ധിച്ച് വന് ഒരുക്കങ്ങളുമായി ഡി എം കെ. സ്റ്റാലിന്റെ എഴുപതാം ജന്മദിനമായ മാര്ച്ച് 1- ന് ചെന്നൈയിലെ വൈഎംസിഎ ഗ്രൗണ്ടിൽ പിറന്നാൾ ആഘോഷിക്കും. ഇതേദിവസം ജനിക്കുന്ന കുഞ്ഞുങ്ങള്ക്ക് സ്വര്ണമോതിരം സമ്മാനമായി നല്കുമെന്ന് ഡി എം കെ അറിയിച്ചു. പിറന്നാളിനോട് അനുബന്ധിച്ച് സ്റ്റാലിന്റെ ഫോട്ടോ പ്രദര്ശനവുമുണ്ടായിരിക്കും. നടനും മക്കൾ നീതിമയ്യം തലവനുമായ കമലഹാസനാണ് ഫോട്ടോ പ്രദര്ശനം ഉദ്ഘാടനം ചെയ്യുക.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
രക്തദാന ക്യാംപുകൾ, വിദ്യാർത്ഥികൾക്ക് നോട്ടുപുസ്തകങ്ങൾ, സമൂഹസദ്യ, മധുരവിതരണം, നേത്രപരിശോധന, കര്ഷകര്ക്ക് വൃക്ഷ തൈകള് വിതരണമടക്കം സംസ്ഥാനവ്യാപകമായി വൻ ക്ഷേമപരിപാടികളും ഡിഎംകെ പ്രഖ്യാപിച്ചിട്ടുണ്ട്. കോണ്ഗ്രസ് ദേശിയ അധ്യക്ഷന് മല്ലികാര്ജ്ജുന് ഖാര്ഗെ, ജമ്മു കശ്മിർ നാഷണൽ കോൺഫറൻസ് അധ്യക്ഷൻ ഫാറൂഖ് അബ്ദുള്ള, സമാജ് വാദി നേതാവ് അഖിലേഷ് യാദവ്, ബീഹാര് ഉപമുഖ്യമന്ത്രി തേജസ്വി യാദവ് തുടങ്ങിവരെല്ലാം പരിപാടിയില് പങ്കെടുക്കുമെന്നാണ് റിപ്പോര്ട്ട്.