കീവ്: റഷ്യന്‍ പ്രസിഡന്റ് വ്‌ളാഡിമര്‍ പുടിനെ അദ്ദേഹത്തിന്റെ വിശ്വസ്ഥര്‍ തന്നെ കൊലപ്പെടുത്തുമെന്ന് യുക്രൈന്‍ പ്രസിഡന്റ് വോളോദിമര്‍ സെലന്‍സ്‌കി. പുടിന്‍ ദുര്‍ബലനാകുന്ന സമയം വരുമെന്നും റഷ്യക്കുളളില്‍നിന്നു തന്നെയാകും പുടിനെതിരായ നീക്കം ആരംഭിക്കുകയെന്നും അദ്ദേഹം പറഞ്ഞു. റഷ്യ യുക്രൈനില്‍ അധിനിവേശം നടത്തിയതിന്റെ ഒന്നാം വാര്‍ഷികത്തില്‍ പുറത്തിറക്കിയ 'ഇയര്‍' (YEAR) എന്ന ഡോക്യുമെന്ററിയിലാണ് സെലന്‍സ്‌കിയുടെ പരാമര്‍ശം.
'പുടിന്റെ ഭരണം ദുര്‍ബലമായിത്തുടങ്ങും. അപ്പോള്‍ വേട്ടക്കാര്‍തന്നെ വേട്ടക്കാരനെ വിഴുങ്ങും. കൊലയാളിയെ കൊല്ലാനുളള കാരണവും അവര്‍ കണ്ടെത്തും. കൊമറോവിന്റെയും സെലന്‍സ്‌കിയുടെയും വാക്കുകള്‍ അവര്‍ ഓര്‍ക്കും. ഇത് എന്ന് സംഭവിക്കുമെന്ന് എനിക്കറിയില്ല. പക്ഷെ സംഭവിക്കുമെന്ന് ഉറപ്പാണ്.'- സെലന്‍സ്‌കി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
വ്‌ളാഡിമര്‍ പുടിനെതിരെ അദ്ദേഹത്തിന്റെ അടുത്ത അനുയായികളില്‍നിന്നുതന്നെ അതൃപ്തി ഉയരുന്നതായുളള റിപ്പോര്‍ട്ടുകള്‍ അടുത്തിടെ പുറത്തുവന്നിരുന്നു. അതിനിടെയാണ് അടുപ്പക്കാര്‍ തന്നെ പുടിനെ വധിക്കുമെന്ന സെലന്‍സ്‌കിയുടെ മുന്നറിയിപ്പ്. അതേസമയം, സെലന്‍സ്‌കിയുടെ പരാമര്‍ശത്തോട് റഷ്യ ഇതുവരെ പ്രതികരിച്ചിട്ടില്ല.
