പാരിസ്: ഖത്തറില്‍ കിരീടമുയര്‍ത്തിയ അര്‍ജന്റീന ടീമിലെ കളിക്കാര്‍ക്കും സപ്പോര്‍ട്ട് സ്റ്റാഫിനും സ്വര്‍ണ ഐഫോണുകള്‍ സമ്മാനമായി നല്‍കാനൊരുങ്ങി മെസ്സി. ഇതിനായി 35 സ്വര്‍ണ ഐഫോണുകളാണ് മെസ്സി ഓഡര്‍ ചെയ്തതെന്ന് ' ദ സണ്‍' റിപ്പോര്ട്ട് ചെയ്തു. 24 കാരറ്റ് വരുന്ന ഐഫോണുകള്‍ക്ക് ഏകദേശം 1.73 കോടി രൂപയാണ് വില. ഓരോ കളിക്കാരന്റെയും പേരും ജേഴ്സി നമ്പറും അര്‍ജന്റീനയുടെ ലോഗോയും പതിപ്പിച്ച പ്രത്യേക ഐഫോണുകളാണ് മെസ്സി ഓഡര്‍ ചെയ്തിരിക്കുന്നത്. സ്വര്‍ണഫോണുകള്‍ കഴിഞ്ഞ ദിവസം മെസ്സിയുടെ താമസസ്ഥലത്ത് എത്തിച്ചുവെന്നാണ് റിപ്പോര്ട്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഐ ഡിസൈന്‍ ഗോള്‍ഡ് എന്ന സ്ഥാപനമാണ് മെസ്സിക്ക് വേണ്ടി സ്വര്‍ണ ഐഫോണുകള്‍ നിര്‍മ്മിച്ചത്. 'ലോകകപ്പ്‌ മത്സരം കഴിഞ്ഞ് കുറച്ച് ആഴ്ചകള്‍ക്ക് ശേഷം അദ്ദേഹം ഞങ്ങളുമായി ബന്ധപ്പെട്ടു. ചരിത്രവിജയം ആഘോഷിക്കാന്‍ എല്ലാ കളിക്കാര്‍ക്കും സ്റ്റാഫിനും ഒരു പ്രത്യേക സമ്മാനം നല്‍കാന്‍ താന്‍ ആഗ്രഹിക്കുന്നതായി അറിയിച്ചു. സാധാരണ ചെയ്യുന്നതു പോലെ വാച്ചുകള്‍ സമ്മാനമായി നല്‍കാന്‍ ഉദ്ദേശിക്കുന്നില്ലെന്നും വ്യക്തമാക്കിയിരുന്നു. ഓരോ കളിക്കാരന്റെയും പേരുകള്‍ ആലേഖനം ചെയ്ത സ്വര്‍ണ ഐഫോണുകള്‍ നല്‍കാമെന്ന നിര്‍ദ്ദേശം ഐ ഡിസൈന്‍ ഗോള്‍ഡ് മുന്‍പോട്ട് വെക്കുകയായിരുന്നു. അത് മെസ്സിയ്ക്ക് ഇഷ്ടമാവുകയായിരുന്നു' - ഐ ഡിസൈന്‍ ഗോള്‍ഡ് സിഇഒ ബെന്‍ ലയണ്‍സ് പറഞ്ഞു.
