ഡല്ഹി: ഒഡീഷയിൽ നിന്ന് ചാരപ്രാവിനെ പിടികൂടി. ക്യാമറയും മൈക്രോ ചിപ്പും കാലുകളില് ഘടിപ്പിച്ച നിലയിലുള്ള പ്രാവിനെ ഒഡീഷയിലെ ജഗത് സിങ്പുർ ജില്ലയിലെ മത്സ്യബന്ധന ബോട്ടിൽ നിന്നാണ് പിടികൂടിയത്. മത്സ്യ തൊഴിലാളികളാണ് പ്രാവിനെ പിടിച്ച് പോലീസിനെ ഏല്പ്പിച്ചത്. ചാരപ്രവര്ത്തനത്തിന് ഉപയോഗിക്കുന്ന പ്രാവാണോ ഇതെന്ന് അന്വേഷിച്ചുവരികയാണെന്ന് പോലീസ് അറിയിച്ചു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഫൊറൻസിക് ലാബിലെ വിശദമായ പരിശോധനയ്ക്കു ശേഷമേ പ്രാവിന്റെ കാലുകളിൽ ഘടിപ്പിച്ചിട്ടുള്ള ഉപകരണങ്ങളെപ്പറ്റി കൂടുതൽ വിവരങ്ങൾ ലഭിക്കുകയുള്ളൂ എന്ന് പൊലീസ് വ്യക്തമാക്കി. പ്രാവിന്റെ ചിറകിലും പരിചിതമല്ലാത്ത ഭാഷയിൽ എഴുതിയിട്ടുണ്ട്. ഇതു മനസ്സിലാക്കാൻ വിദഗ്ധരുടെ സേവനം തേടിയിട്ടുണ്ടെന്നും പൊലീസ് പറഞ്ഞു. നിലവിലെ സാഹചര്യത്തില് കൂടുതല് വിവരങ്ങള് പങ്കുവെയ്ക്കാന് സാധിക്കില്ലെന്നും അന്വേഷണം പൂര്ത്തിയായതിനുശേഷം സംഭവവുമായി ബന്ധപ്പെട്ട കൂടുതല് വിവരങ്ങള് അറിയിക്കാമെന്നും പൊലീസ് ഉദ്യോഗസ്ഥര് കൂട്ടിച്ചേര്ത്തു.