തിരുവനന്തപുരം: കൊച്ചിയിലെ സ്വകാര്യ ആശുപത്രിയില് കഴിയുന്ന നടന് ബാലയുടെ ആരോഗ്യനിലയുമായി ബന്ധപ്പെട്ട് കൂടുതല് വിവരങ്ങള് പങ്കുവെച്ച് ഭാര്യ എലിസബത്ത്. ബാല ഐസിയുവില് തന്നെയാണ്. ആശുപത്രിയില് പ്രവേശിപ്പിച്ചെന്ന വാര്ത്ത പുറത്തറിഞ്ഞതിലുള്ള വിഷമം മാത്രമേ അദ്ദേഹത്തിനുള്ളൂവെന്നും എലിസബത്ത് ഫേസ്ബുക്കില് കുറിച്ചു.
'ബാല ഐ.സി.യുവിലാണ്. തന്നെ ആശുപത്രിയില് പ്രവേശിപ്പിച്ചെന്ന വാര്ത്ത പുറത്തറിഞ്ഞതിലുള്ള വിഷമം മാത്രമേ അദ്ദേഹത്തിനുള്ളു. താന് സുഖമായിരിക്കുന്നുവെന്ന കാര്യം എല്ലാവരോടും പറയണമെന്ന് ബാല ആവശ്യപ്പെട്ടിട്ടുണ്ട്. അദ്ദേഹം വളരെ ശക്തനാണ്. കഴിഞ്ഞ 3, 4 വര്ഷങ്ങളായി വളരെ പ്രയാസകരമായ ഘട്ടങ്ങളിലൂടെയാണ് കടന്നു പോകുന്നതെങ്കിലും എല്ലാ പ്രശ്നങ്ങളെയും അതിജീവിക്കാന് അദ്ദേഹത്തിന് സാധിച്ചിട്ടുണ്ട്. ബാല കൂടുതല് കരുത്തോടെ തിരിച്ചുവരും. എല്ലാവരും പ്രാര്ത്ഥിക്കണം' - എലിസബത്ത് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കരൾരോഗത്തെ തുടർന്നാണ് ബാലയെ ഇടപ്പള്ളി അമൃത ആശുപത്രിയിൽ അഡ്മിറ്റ് ചെയ്തിരിക്കുന്നത്. ബാലയെ ആശുപത്രിയില് പ്രവേശിപ്പിച്ചയുടന് തന്നെ മുൻ പങ്കാളി അമൃത സുരേഷും മകൾ അവന്തികയും ഗോപി സുന്ദറും മറ്റ് കുടുംബാംഗങ്ങളും അദ്ദേഹത്തെ സന്ദർശിച്ചിരുന്നു. ഉണ്ണി മുകുന്ദൻ, സംവിധായകൻ വിഷ്ണു മോഹൻ, നിർമ്മാതാവ് ബാദുഷ, പിആർഒ വിപിൻ കുമാർ, ലുലു മീഡിയ ഹെഡ് സ്വരാജ് എന്നിവരും ബാലയെ കഴിഞ്ഞ ദിവസം ആശുപത്രിയിൽ എത്തി കണ്ടു.