ഡല്‍ഹി: മലയാളികള്‍ക്ക് ഫുട്ബോളിനോടുള്ള ഭ്രമം അറിയാത്ത ക്ലബ്ബുകള്‍ ലോകത്തുണ്ടാവില്ല. ബ്രസില്‍, അര്ജന്റീന ടീമുകളടക്കം മലയാളികള്‍ക്ക് നന്ദി പറഞ്ഞും മലയാളി പടുത്തുയര്‍ത്തിയ പടുകൂറ്റന്‍ ബാനറുകള്‍ ഷെയര്‍ ചെയ്തും കായിക പ്രേമികള്‍ക്കൊപ്പം നിന്നത് വലിയ ഹര്‍ഷാരവങ്ങളോടെയാണ് നാം ഏറ്റെടുത്തത്. ടോട്ടന്‍ ഹാം, എസി മിലാന്‍, മാഞ്ചസ്റ്റര്‍ യുണൈറ്റഡ്, തുടങ്ങിയ ക്ലബ്ബുകളിലെ താരങ്ങള്‍ മലയാളികള്‍ക്ക് നന്ദി പറഞ്ഞുകൊണ്ട് സാമൂഹിക് മാധ്യമങ്ങളില്‍ പ്രത്യക്ഷപ്പെടാറുണ്ട്. ഇപ്പോഴിതാ ഇന്ത്യയിലെ എല്ലാ ഫുട്ബോള്‍ ആരാധകര്‍ക്ക് പ്രത്യേകിച്ച് മലയാളികള്‍ക്ക് ട്രിബ്യൂട്ടുമായി എത്തിയിരിക്കുകയാണ് ഇംഗ്ലീഷ് പ്രീമിയര്‍ ലീഗിലെ ക്ലബ്ബായ ടോട്ടന്‍ ഹാം ഹോട്സ്പർ.
'കാല്‍ പന്തിനെ സ്നേഹിക്കുന്ന ഓരോ മലയാളികള്‍ക്കും വേണ്ടി..... ഞങ്ങളെ സ്നേഹിക്കുന്ന ഇന്ത്യയിലെ ഫുട്ബോള്‍ ആരാധകര്‍ക്ക് വേണ്ടി..' എന്ന് മലയാളത്തില്‍ തന്നെയാണ് ടോട്ടന്‍ ഹാം ഫേസ്ബുക്കില്‍ കുറിച്ചിരിക്കുന്നത്. ട്രിബ്യൂട്ടായി ഒരു വീഡിയോയും പങ്കുവെച്ചിട്ടുണ്ട്. വീഡിയോ കാണാന്‍ ഇവിടെ ക്ലിക്ക് ചെയ്യുക.
