കൊച്ചി: ഇനിയും രാത്രിയില് ഉണര്ന്ന് ശ്വാസംമുട്ടിയും ചുമച്ചും കൊച്ചിക്കാര്ക്ക് ജീവിക്കാനാവില്ലെന്ന് നടന് മമ്മൂട്ടി. തീയും പുകയും അണഞ്ഞാലും ബ്രഹ്മപുരം പ്രശ്നത്തിന് വേണ്ടത് ശാശ്വതമായ പരിഹാരമാണെന്നും പ്രശ്നം പരിഹരിക്കേണ്ട ചുമതല ഭരണകൂടത്തിനുണ്ടെന്നും മമ്മൂട്ടി പറഞ്ഞു. മാലിന്യസംസ്കരണത്തിനായി നമ്മുടെ നാടിന് കൃത്യമായ ഒരു നയമില്ല എന്നതാണ് സത്യമെന്നും അതിനായി വിപുലമായ കര്മ്മപദ്ധതിയും അതിനനുസരിച്ചുളള സംവിധാനങ്ങളും ഇനിയെങ്കിലും ഒരുക്കേണ്ടതുണ്ടെന്നും അദ്ദേഹം പറഞ്ഞു.
'ഷൂട്ടിംഗിനായി കുറച്ചുദിവസം ഞാന് പൂനെയിലായിരുന്നു. വീട്ടിലേക്ക് തിരികെയെത്തിയപ്പോള് മുതല് നല്ല ചുമ. അത് ക്രമേണ ശ്വാസംമുട്ടലായി. ഇന്നലെ ഷൂട്ടിംഗിനായി വയനാടെത്തി. എങ്കിലും ശ്വാസംമുട്ടലുണ്ട്. കൊച്ചിയുടെയും സമീപ പ്രദേശങ്ങളുടെയും മാത്രം പ്രശ്നമല്ല ഇത്. സമീപ ജില്ലകള് പിന്നിട്ട് ഇത് വ്യാപിക്കുകയാണ്. വലിയ അരക്ഷിതാവസ്ഥയാണിത്.'- മമ്മൂട്ടി പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
എല്ലാം ഭരണകൂടത്തിന്റെ ചുമലില്വെച്ച് ആരോപണങ്ങള് മാത്രം ഉന്നയിക്കുന്ന ജനസമൂഹമായി നമ്മള് മാറരുതെന്നും പ്ലാസ്റ്റിക് മാലിന്യങ്ങളുടെ കാര്യത്തില് നാം നമ്മുടെ ഉത്തരവാദിത്തം നിറവേറ്റണമെന്നും അദ്ദേഹം പറഞ്ഞു. 'കൊച്ചി ഒരു മഹാനഗരമായി വളര്ന്നുകഴിഞ്ഞു. ദിനംപ്രതി വളരുന്ന നഗരത്തിന് വെളളവും റോഡും പോലെ അടിസ്ഥാന സൗകര്യങ്ങളിലൊന്നാണ് മാലിന്യസംസ്കരണവും. കൊച്ചിയെ ഇനിയും പുകപ്പൂട്ടിലിട്ട് ശ്വാസംമുട്ടിക്കരുത്'- മമ്മൂട്ടി കൂട്ടിച്ചേര്ത്തു.