കൊച്ചി: സംസ്ഥാനത്ത് സ്വര്ണവില വീണ്ടും വര്ധിച്ചു. ഗ്രാമിന് 50 രൂപയും പവന് 400 രൂപയുമാണ് ഉയര്ന്നത്. ഇതോടെ ഒരു ഗ്രാം സ്വർണത്തിന്റെ വില 5,355 രൂപയും പവന് 42,840 രൂപയുമായി. ബാങ്കിംഗ് മേഖലയില് പ്രതിസന്ധിയുണ്ടാകുമെന്ന തരത്തില് അടുത്തിടെ റിപ്പോര്ട്ടുകള് പുറത്തുവന്നിരുന്നു. ഇതിനുപിന്നാലെയാണ് സ്വര്ണവില വര്ധിക്കുന്നത്. രാജ്യാന്തര വിപണിയിലെ വിലയും ഡോളറിനെതിരെയുള്ള രൂപയുടെ മൂല്യവും കണക്കാക്കിയാണ് ഇന്ത്യയില് സ്വര്ണവില നിശ്ചയിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
സ്വര്ണത്തോടൊപ്പം സംസ്ഥാനത്ത് ഇന്ന് വെളളിയുടെ വിലയും കൂടി. ഒരു ഗ്രാം വെളളിക്ക് ഒരു രൂപ വര്ധിച്ച് 73 രൂപയായി. എന്നാല് ഹാള്മാര്ക്ക് വെളളിയുടെ വിലയില് മാറ്റമില്ല. 90 രൂപയാണ് ഒരു ഗ്രാം ഹാള്മാര്ക്ക് വെളളിയുടെ വില. ഈ മാസത്തിന്റെ തുടക്കത്തില് 41,280 രൂപയായിരുന്നു ഒരു പവന് സ്വര്ണത്തിന്റെ വില. തുടര്ന്ന് തുടര്ച്ചയായ ദിവസങ്ങളില് വില താഴ്ന്ന് 9ന് ഈ മാസത്തെ ഏറ്റവും താഴ്ന്ന നിലവാരത്തില് എത്തി. 40,720 രൂപയായാണ് സ്വര്ണവില താഴ്ന്നത്. പിന്നീടുള്ള ദിവസങ്ങളില് വില ഉയരുകയായിരുന്നു.