മുംബൈ: ബോളിവുഡ് താരം ശില്പ ഷെട്ടിയുടെ അമ്മ സുനന്ദ ഷെട്ടി കുറച്ച് ദിവസങ്ങളായി ആശുപത്രിയില് ചികിത്സയിലാണ്. മുംബൈയിലെ നാനാവതി ആശുപത്രിയിലാണ് സുനന്ദ ഷെട്ടി ചികിത്സയില് കഴിയുന്നത്. ഇപ്പോഴിതാ അമ്മയുടെ ആരോഗ്യവുമായി ബന്ധപ്പെട്ട് താന് അനുഭവിക്കുന്ന മനോവിഷമത്തെക്കുറിച്ച് പ്രേക്ഷകരുമായി പങ്കുവെച്ചിരിക്കുകയാണ് ശില്പ ഷെട്ടി. അമ്മയുടെ ഈ അവസ്ഥ കണ്ടുനില്ക്കാന് ഏതൊരു കുട്ടിയെപ്പോലെ തനിക്കും ബുദ്ധിമുട്ടാണെന്ന് താരം സാമൂഹിക മാധ്യമങ്ങളില് കുറിച്ചു. എന്നാല് അമ്മയുടെ അസുഖത്തെക്കുറിച്ച് കൂടുതല് കാര്യങ്ങള് പങ്കുവെയ്ക്കാന് താരം തയ്യാറായിട്ടില്ല.
'അച്ഛനമ്മമാർ സർജറിക്ക് വിധേയമാകുന്നത് കണ്ടുനില്ക്കാന് ഏതൊരു മക്കളെയും സംബന്ധിച്ച് ബുദ്ധിമുട്ടുള്ള കാര്യമാണ്. ഞാന് അനുകരിക്കാൻ ആഗ്രഹിക്കുന്ന എന്തെങ്കിലും ഉണ്ടെങ്കിൽ അത് അമ്മയുടെ ധൈര്യവും പോരാട്ട വീര്യവുമാണ്. കഴിഞ്ഞ കുറച്ച് ദിവസങ്ങളായി ജീവിതം ഒരു റോളർ കോസ്റ്റര് യാത്രയാണ്. കൂടെ നിന്ന എല്ലാവര്ക്കും വളരെ നന്ദി. ഡോക്ടർ രാജീവ് ഭാഗവത്, അമ്മയെ ശസ്ത്രക്രിയയ്ക്ക് മുമ്പും ശേഷവും നന്നായി പരിപാലിച്ചു. ആശുപത്രിയില് അമ്മയെ പരിചരിച്ച എല്ലാവര്ക്കും ഹൃദയം നിറഞ്ഞ നന്ദി. അമ്മയുടെ ആരോഗ്യത്തിനായി എല്ലാവരും പ്രാര്ത്ഥിക്കണം' - ശില്പ ഷെട്ടി പറഞ്ഞു.