ചെന്നൈ: തമിഴ്നാട്ടിലെ കാഞ്ചിപുരം പടക്കനിര്മ്മാണ ശാലയിലുണ്ടായ സ്ഫോടനത്തില് 8 മരണം. അപകടത്തില് 24 പേര്ക്ക് പരിക്കേറ്റു. ഇന്ന് ഉച്ചക്ക് 12.30- ഓടെയാണ് അപകടം നടക്കുന്നത്. അഞ്ചുപേർ സംഭവസ്ഥലത്തുതന്നെ മരിച്ചതായാണ് വിവരം. മൂന്ന് പേര് ചെങ്കല്പ്പേട്ടിലെ സര്ക്കാര് ആശുപത്രിയില് ചികിത്സയിലിരിക്കെയാണ് മരിച്ചത്. മരണസംഖ്യ ഉയരുമെന്നാണ് സൂചന. സ്ഫോടനം നടന്ന സ്ഥലത്ത് തീ അണയ്ക്കാനുള്ള ശ്രമത്തിലാണ് ഫയര് ഫോഴ്സ്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കാഞ്ചീപുരത്തിനടുത്ത് സ്വകാര്യ വ്യക്തി നടത്തിവന്നിരുന്ന പടക്കനിര്മാണ ശാലയിലാണ് സ്ഫോടനം നടന്നത്. സ്ഫോടനം നടക്കുമ്പോള് മുപ്പതോളം പേര് ഫാക്ടറിയിലുണ്ടായിരുന്നെന്നാണ് വിവരം. പടക്കനിര്മാണവുമായി ബന്ധപ്പെട്ട് നിരവധി സാമഗ്രികള് ഗോഡൗണിലുണ്ടായിരുന്നു. എന്നാല് ഇതില് നിന്ന് എങ്ങിനെയാണ് തീ പടര്ന്നതെന്ന് ഇതുവരെ വ്യക്തമല്ല. പത്ത് പേരുടെ നില അതീവ ഗുരുതരമാണെന്ന് പോലീസ് പറഞ്ഞു. fi