ഡല്ഹി: ലക്ഷദ്വീപ് എംപി മുഹമ്മദ് ഫൈസലിന്റെ അയോഗ്യത പിന്വലിച്ചു. ലോക്സഭാ സെക്രട്ടറിയേറ്റിന്റേതാണ് തീരുമാനം. ഹൈക്കോടതി വിധി വന്ന് രണ്ട് മാസമായിട്ടും അയോഗ്യനാക്കിയ വിജ്ഞാപനം പിന്വലിക്കാത്ത ലോക്സഭാ സെക്രട്ടറിയേറ്റിനെതിരെ ഫൈസല് നല്കിയ ഹര്ജി സുപ്രീംകോടതി ഇന്ന് പരിഗണിക്കാനിരിക്കെയാണ് അയോഗ്യനാക്കിയ നടപടി പിന്വലിച്ചത്. അയോഗ്യത പിന്വലിച്ചതിനാല് സുപ്രീംകോടതിയില് നല്കിയ ഹര്ജി പിന്വലിക്കുമെന്ന് ഫൈസലിന്റെ അഭിഭാഷകന് അറിയിച്ചു.
വധശ്രമക്കേസില് ഫൈസല് കുറ്റക്കാരനാണെന്ന് കണ്ടെത്തിയ വിചാരണാക്കോടതി വിധി കേരളാ ഹൈക്കോടതി സ്റ്റേ ചെയ്തിട്ടും ലോക്സഭാംഗത്വം റദ്ദാക്കിയ വിജ്ഞാപനം ലോക്സഭാ സെക്രട്ടറിയേറ്റ് പിന്വലിച്ചില്ലെന്ന് ചൂണ്ടിക്കാട്ടിയാണ് മുഹമ്മദ് ഫൈസല് സുപ്രീംകോടതിയെ സമീപിച്ചത്. ക്രിമിനല് കേസുകളില് കോടതി രണ്ടുവര്ഷത്തിലധികം തടവ് ശിക്ഷ വിധിച്ചാല് ആ അംഗത്തെ അയോഗ്യനാക്കണമെന്നാണ് നിയമം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
2009-ല് കോണ്ഗ്രസ് പ്രവര്ത്തകനെ വധിക്കാന് ശ്രമിച്ച കേസിലാണ് മുഹമ്മദ് ഫൈസലിന് കോടതി പത്തുവര്ഷം തടവുശിക്ഷ വിധിച്ചത്. 2009-ല് നടന്ന ലോക്സഭാ തെരഞ്ഞെടുപ്പ് പ്രചാരണത്തിനിടെ ഒരു ഷെഡ് സ്ഥാപിച്ചതുമായി ബന്ധപ്പെട്ടുണ്ടായ സംഘര്ഷത്തില് മുഹമ്മദ് സാലിഹ് എന്ന കോണ്ഗ്രസ് പ്രവര്ത്തകനെ ആക്രമിച്ച് പരിക്കേല്പ്പിച്ചു എന്നാണ് കേസ്. മുന് കേന്ദ്രമന്ത്രിയും കോണ്ഗ്രസ് നേതാവുമായ പി എം സയ്യിദിന്റെ മകളുടെ ഭര്ത്താവാണ് സാലിഹ്.