തൃശ്ശൂര്: തൃശ്ശൂര് ഒല്ലൂരിൽ നിന്നുള്ള വേളാങ്കണ്ണി തീർഥാടക സംഘം സഞ്ചരിച്ച ബസ് മറിഞ്ഞ് 3 പേര് മരണപ്പെട്ടു. നെല്ലിക്കുന്ന് സ്വദേശികളായ 3 പേരാണ് മരിച്ചത്. സംഭവത്തില് 40- അധികം ആളുകള്ക്ക് പരിക്കേറ്റു. തമിഴ്നാട് തഞ്ചാവൂരിനടുത്ത് ഒറത്തനാട്ടിന് സമീപമാണ് അപകടം നടന്നത്. നിയന്ത്രണം വിട്ട ബസ് റോഡരികിലുള്ള കുഴിയിലേക്ക് മറിയുകയായിരുന്നുവെന്നാണ് ദൃക്സാക്ഷികള് പറയുന്നത്.
ഡ്രൈവര് ഉറങ്ങി പോയതാണ് അപകടത്തിന് കാരണമെന്നാണ് പ്രാഥമിക നിഗമനം. ഇന്ന് പുലർച്ചെയാണ് അപകടം നടന്നത്.ബസിൽ 51 പേരാണ് ഉണ്ടായിരുന്നത്. പരിക്കുപറ്റിയ എല്ലാവരെയും അടുത്തുള്ള തഞ്ചാവൂര് മെഡിക്കല് കോളേജില് പ്രവേശിപ്പിച്ചു.