മലയാള സിനിമയിലെ ഏറ്റവും വലിയ വാഹന പ്രേമികൾ ആരെന്ന ചോദ്യത്തിന് മമ്മൂട്ടിയും ദുല്‍ഖർ സൽമാനും എന്നായിരിക്കും മിക്കവരുടെയും ഉത്തരം. പുതിയതും വിന്റേജും അടക്കം നിരവധി വാഹനങ്ങളുടെ നീണ്ട നിര തന്നെയുണ്ട് ഇവരുടെ ഗാരിജിൽ. എന്നാല്‍ അതെത്രയെണ്ണം ഉണ്ടാകും എന്ന ചോദിച്ചാല്‍ കൃത്യമായ ഒരുത്തരം ഇരുവരും ഇതുവരെ പറഞ്ഞിട്ടില്ല. ഇപ്പോഴിതാ ആ ചോദ്യത്തിന് കുറച്ചുകൂടി വ്യക്തമായി ഒരു മറുപടി പറഞ്ഞിരിക്കുകയാണ് ദുല്‍ഖർ സൽമാന്‍. 'എത്ര കാര്‍ ഉണ്ടെന്ന് വെളിപ്പെടുത്തില്ല. സത്യം പറഞ്ഞാല്‍ ഒരുപക്ഷെ എന്നെ കുഴപ്പത്തിലാക്കും' എന്നാണ് അദ്ദേഹത്തിന്‍റെ പ്രതികരണം.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഓട്ടോമൊബൈൽ മാഗസിനായ ടോപ് ഗിയര്‍ ഇന്ത്യക്ക് നല്‍കിയ അഭിമുഖത്തിലാണ് ദുല്‍ഖർ മനസ്സു തുറന്നത്. തനിക്ക് ഒരുപാട് യൂസ്‍ഡ് കാറുകളും ഉണ്ടെന്ന് അദ്ദേഹം പറഞ്ഞു. ടോപ് ഗിയര്‍ ഇന്ത്യയുടെ കവര്‍ ചിത്രമായി പ്രത്യക്ഷപ്പെട്ടിരുന്നു അടുത്തിടെ ദുല്‍ഖര്‍. മാഗസിന്റെ മൂന്നാം വാർഷികത്തോടനുബന്ധിച്ചുള്ള ലക്കത്തിലാണ് കവറിൽ ദുൽഖർ സൽമാൻ ഇടം പിടിച്ചത്. ഈ മാഗസിന്റെ കവർ പേജിൽ ഇടം പിടിക്കുന്ന ആദ്യ മലയാളി, രണ്ടാമത്തെ ഇന്ത്യാക്കാരന്‍ എന്ന പ്രത്യേകതയും ഉണ്ട്.
