ചെന്നൈ: ചെന്നൈ സൂപ്പര് കിംഗ്സിനെ പരാജയപ്പെടുത്തിയതിന് പിന്നാലെ രാജസ്ഥാന് റോയല്സ് ക്യാപ്റ്റന് സഞ്ജു സാംസണിന് പിഴയിട്ട് ബി സി സി ഐ. കുറഞ്ഞ ഓവർ നിരക്കിന്റെ പേരിലാണ് ബിസിസിഐ സഞ്ജുവിന് 12 ലക്ഷം രൂപ പിഴയിട്ടത്. മത്സരത്തിനുശേഷം പുറത്തിറക്കിയ പ്രസ്താവനയിലൂടെയാണ് ഐ പി എല് അധികൃതര് ഇക്കാര്യം അറിയിച്ചത്. ഇതേ കാരണത്താല് ബാംഗ്ലൂര് ക്യാപ്റ്റന് ഫാഫ് ഡ്യൂപ്ലെസിക്കും കഴിഞ്ഞ ദിവസം പിഴ ചുമത്തിയിരുന്നു. നാല് മണിക്കൂറിനുള്ളില് ഒരു മത്സരം തീര്ക്കണമെന്നാണ് നിയമം.
അവസാന പന്തുവരെ ആവേശം നിറഞ്ഞ മത്സരത്തില് രാജസ്ഥാന് മൂന്ന് റണ്സിനാണ് ചെന്നൈ സൂപ്പര് കിംഗ്സിനെ പരാജയപ്പെടുത്തിയത്. ഈ സീസണില് നാല് മത്സരങ്ങളില് നിന്ന് രാജസ്ഥാന് നേടുന്ന മൂന്നാം വിജയമാണിത്. വിജയത്തോടെ രാജസ്ഥാന് പോയന്റ് പട്ടികയില് ഒന്നാമതെത്തി. അതേസമയം, ചെന്നൈ സൂപ്പര് കിംഗ്സ് ക്യാപ്റ്റന് എം എസ് ധോണിയ്ക്ക് പരിക്കെന്ന് സംശയം. രാജസ്ഥാന് റോയല്സിനെതിരായ മത്സരത്തില് ധോണി ഓടാന് പ്രയാസപ്പെടുന്നത് മാധ്യമങ്ങള് റിപ്പോര്ട്ട് ചെയ്തിരുന്നു. എന്നാല് ഇതുമായി ബന്ധപ്പെട്ട് വരുന്ന വാര്ത്തകളോട് പ്രതികരിക്കാന് ധോണി തയ്യാറായിട്ടില്ല.