കൊച്ചി: സൌബിന്‍ കേന്ദ്ര കഥാപാത്രമായി എത്തുന്ന അയല്‍വാസിയുടെ ട്രെയിലര്‍ പുറത്തുവിട്ടു. സാമൂഹിക മാധ്യമങ്ങളില്‍ മികച്ച പ്രതികരണമാണ് ചിത്രത്തിന് ലഭിക്കുന്നത്. ഏപ്രില്‍ 21- നാണ് ചിത്രം തിയേറ്ററിലെത്തുക. തല്ലുമാലയുടെ വൻ വിജയത്തിന് ശേഷം ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാനും, മുഹ്സിൻ പെരാരിയും ചേർന്നാണ് ചിത്രം നിർമിക്കുന്നത്. ഇര്‍ഷാദ് പെരാരി ആദ്യമായി സംവിധാനം ചെയ്യുന്ന സിനിമയാണ് അയല്‍വാശി.
സെൻട്രൽ പിക്ചേർസാണ് ചിത്രം പ്രദർശനത്തിന് എത്തിക്കുന്നത്. നിഖില വിമൽ, ലിജോ മോൾ, ബിനു പപ്പു, നസ്‌ലൻ, ഗോകുലൻ, കോട്ടയം നസീർ, വിജയരാഘവൻ തുടങ്ങിയവരാണ് മറ്റ് പ്രധാന താരങ്ങൾ. തമാശരൂപേണയുള്ള ഫാമിലി ഡ്രാമ എന്ന തോന്നിപ്പിക്കുവിധമാണ് അണിയറപ്രവർത്തകർ ട്രെയിലർ അവതരിപ്പിച്ചിരിക്കുന്നത്. സിനിമയുമായി ബന്ധപ്പെട്ട് വരുന്ന വാര്‍ത്തകള്‍ക്കും ചിത്രത്തിന്‍റെ ഫസ്റ്റ് ലുക്ക് പോസ്റ്ററിനും മികച്ച പ്രതികരണമാണ് ലഭിച്ചത്.
