തിരുവനന്തപുരം: സംസ്ഥാനത്ത് സ്വര്ണവിലയില് നേരിയ കുറവ്. ഇന്ന് ഗ്രാമിന് പത്ത് രൂപ കുറഞ്ഞു. ഇതോടെ ഒരു ഗ്രാം സ്വര്ണത്തിന് 5585 രൂപയായി. ഒരു പവന് സ്വര്ണത്തിന്റെ വില 44,680 രൂപയാണ്. ഇന്നലെ സ്വര്ണവിലയില് മാറ്റമുണ്ടായിരുന്നില്ല. കഴിഞ്ഞ ദിവസം സ്വര്ണവില സര്വ്വകലാശാല റെക്കോര്ഡില് എത്തിയിരുന്നു. ഗ്രാമിന് 55 രൂപ വർധിച്ചാണ് വില റെക്കോർഡ് മറികടന്ന് 5665 രൂപയിലെത്തിയത്. പവന് 45,320 രൂപയുമായിരുന്നു വില.
അന്താരാഷ്ട്ര വിപണിയുടെ ചുവട് പിടിച്ചാണ് ആഭ്യന്തര വിപണിയിലും സ്വര്ണവില വര്ധിക്കുന്നത്. ബാങ്കിംഗ് മേഖലയില് പ്രതിസന്ധിയുണ്ടാകുമെന്ന തരത്തില് അടുത്തിടെ റിപ്പോര്ട്ടുകള് പുറത്തുവന്നിരുന്നു. ഇത് സ്വര്ണവിലയില് ഏറ്റക്കുറച്ചിലുകള് ഉണ്ടാകുവാന് കാരണമാകുന്നുണ്ടെന്നാണ് സാമ്പത്തിക വിദഗ്ദര് അഭിപ്രായപ്പെടുന്നത്. രാജ്യാന്തര വിപണിയിലെ വിലയും ഡോളറിനെതിരെയുള്ള രൂപയുടെ മൂല്യവും കണക്കാക്കിയാണ് ഇന്ത്യയില് സ്വര്ണവില നിശ്ചയിക്കുന്നത്. കൂടാതെ, പണപ്പെരുപ്പം കൂടുമ്പോൾ, കറൻസിയുടെ മൂല്യം കുറയുന്നതിനാല് കൂടുതല് ആളുകള് സുരക്ഷിത ആസ്തിയായാണ് സ്വര്ണത്തെ കണക്കാക്കുന്നത്.