ഡല്ഹി: പരിക്കിനെ തുടര്ന്ന് ചികിത്സയില് കഴിയുന്ന ഇന്ത്യന് ബാറ്റര് ശ്രേയസ് അയ്യരുടെ ശസ്ത്രക്രിയ വിജയകരമെന്ന് റിപ്പോര്ട്ട്. പുറം വേദനയുമായി ബന്ധപ്പെട്ടാണ് ശ്രേയസ് അയ്യര് യു കെയില് നിന്നും ശസ്ത്രക്രിയ നടത്തിയത്. പരിക്കിനെ തുടര്ന്ന് ഐ പി എല് 2023 സീസണ് ശ്രേയസ് അയ്യര്ക്ക് നഷ്ടമായിരുന്നു. ഐപിഎല്ലില് കൊല്ക്കത്ത നൈറ്റ് റൈഡേഴ്സിന്റെ ക്യാപ്റ്റനായിരുന്നു അദേഹം. ഓസ്ട്രേലിയക്കെതിരെ ജൂണില് വരാനിരിക്കുന്ന ലോക ടെസ്റ്റ് ചാമ്പ്യന്ഷിപ്പ് ഫൈനലും അയ്യര്ക്ക് നഷ്ടമാകുമെന്നാണ് റിപ്പോര്ട്ട്.
അതേസമയം, ഇന്ത്യയില് വെച്ച് നടക്കുന്ന ഏകദിന ലോകകപ്പ് മത്സരത്തില് ശ്രേയസ് അയ്യര്ക്ക് ഫിറ്റ്നെസ് വീണ്ടെടുക്കാന് സാധിക്കുമെന്നാണ് താരവുമായി ബന്ധപ്പെട്ട വൃത്തങ്ങളില് നിന്നും ലഭിക്കുന്ന വിവരം. അതേസമയം, ഇന്ത്യന് പേസര് ജസ്പ്രീത് ബുമ്രയും പുറംവേദനയെ തുടര്ന്ന് ശസ്ത്രക്രിയക്ക് വിധേയനായിരുന്നു. ന്യൂസിലന്ഡില് വച്ചായിരുന്നു ബുമ്രയുടെ സര്ജറി. ബുമ്രയും ഏകദിന ലോകകപ്പ് മത്സരത്തില് കളിക്കുമെന്നാണ് റിപ്പോര്ട്ട്.