നേരിയ രോഗ ലക്ഷണമുള്ളവർക്ക് വീട്ടിൽ ചികിത്സ നൽകാൻ കേന്ദ്ര ആരോഗ്യമന്ത്രാലയം അനുമതി നൽകി. ഉപാധികളോടെയാണ് വീടുകളിൽ ചികിത്സക്ക് അനുമതി നൽകിയത്.
നേരിയ തരത്തിൽ മാത്രമാണ് രോഗലക്ഷണമുള്ളതെന്ന് ആരോഗ്യ വകുപ്പ് സ്ഥിരീകരണം നൽകണം,പരിചരിക്കാൻ വീട്ടിൽ ആളുവേണം, വീട്ടിൽ കഴിയുമ്പോൾ മരുന്നും ഭക്ഷണവും ലഭിക്കണം, പരിചരിക്കുന്ന ആൾ പ്രതിരോധ മരുന്ന കഴിക്കണം, പരിചരണത്തിനുള്ളയാൾ ആരോഗ്യ വകുപ്പുമായി നിരന്തരം ബന്ധപ്പെടണം, രോഗിയുടെ ആരോഗ്യ നിലയിൽ മാറ്റമുണ്ടായാൽ ആശുപത്രിയിലേക്ക് മാറ്റണം, ആരോഗ്യ സേതു മൊബൈൽ അപ്പ് ഉപയോഗിക്കണം തുടങ്ങിയ 8 മാർഗ നിർദ്ദേശങ്ങളാണ് ആരോഗ്യ മന്ത്രാലയം നൽകിയിരിക്കുന്നത്. ആരോഗ്യ പ്രവർത്തകർക്ക് രോഗം ബാധിച്ച് ആശുപത്രികളുടെ പ്രവർത്തനം പലിയിടത്തും തടസപ്പെട്ടിട്ടുണ്ട്. ഈ സാഹചര്യത്തിലാണ് രോഗികളെ വീട്ടിൽ ചികിത്സിക്കാൻ ആരോഗ്യ മന്ത്രാലയം അനുമതി നൽകിയത്.
