വയനാട്: പ്രധാനമന്ത്രി നരേന്ദ്രമോദിക്കെതിരെ പരിഹാസവുമായി സിപിഎം സംസ്ഥാന സെക്രട്ടറിയേറ്റ് അംഗം എം സ്വരാജ്. യുവാക്കളുടെ ചോദ്യത്തിന് മറുപടി നല്കണമെങ്കില് നരേന്ദ്രമോദി ഒരിക്കല്ക്കൂടി ജനിക്കണമെന്ന് എം സ്വരാജ് പറഞ്ഞു. സംവാദമെന്ന് പറഞ്ഞ് വിളിച്ചുവരുത്തി പ്രധാനമന്ത്രിയും ബിജെപിയും യുവാക്കളെയും രാജ്യത്തെയും കബളിപ്പിക്കുകയായിരുന്നെന്നും അദ്ദേഹം ഏകപക്ഷീയമായി പ്രസംഗം നടത്തി മടങ്ങുകയാണ് ചെയ്തതെന്നും എം സ്വരാജ് പറഞ്ഞു. ഡിവൈഎഫ്ഐ വയനാട് ജില്ലാ കമ്മിറ്റി സംഘടിപ്പിക്കുന്ന യൂത്ത് മാര്ച്ചിന്റെ ഉദ്ഘാടനം നിര്വഹിച്ച് സംസാരിക്കുകയായിരുന്നു അദ്ദേഹം.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'ഒരു പരിപാടിയുടെ ഭാഗമായി പ്രധാനമന്ത്രി കേരളത്തിലെത്തുന്നു. ചെറുപ്പക്കാരെ വിളിച്ചുകൂട്ടുന്നു, അവരുമായി സംവദിക്കുന്നു. അവരുടെ ചോദ്യങ്ങള്ക്ക് മറുപടി പറയുന്നു എന്ന് പ്രഖ്യാപിക്കുന്നു. മാധ്യമങ്ങളത് കൊട്ടിഘോഷിക്കുന്നു. എന്നാല്, ഇന്ത്യന് ജനതയുമായി സംവദിക്കാന് നരേന്ദ്രമോദിക്ക് ഈ ജന്മം സാധിക്കില്ല. മുന്കൂട്ടി തയാറാക്കിയ ചോദ്യങ്ങളായിട്ടുപോലും അദ്ദേഹം അതിനെ അഭിമുഖീകരിച്ചില്ല. ഏകപക്ഷീയമായി പ്രസംഗം നടത്തി മടങ്ങി'- എം സ്വരാജ് പറഞ്ഞു.
ഇന്ത്യയെ മതറിപ്പബ്ലിക് ആക്കി മാറ്റാനുളള ആസൂത്രിത നീക്കമാണ് ആര്എസ്എസിന്റെ നേതൃത്വത്തില് നടക്കുന്നതെന്നും അദ്ദേഹം കൂട്ടിച്ചേര്ത്തു.