ഡല്ഹി: സംരക്ഷിത വനങ്ങള്ക്കും ഉദ്യാനങ്ങള്ക്കും ഒരു കിലോമീറ്റര് ചുറ്റളവില് കര്ശന നിയന്ത്രണങ്ങളോടെ ബഫര് സോണ് പ്രഖ്യാപിച്ച നടപടിക്ക് ഇളവ് നല്കി സുപ്രീംകോടതി. ഇതനുസരിച്ച് ഇനിമേല് സമ്പൂര്ണ്ണ നിയന്ത്രണം ഉണ്ടാവില്ല. എന്നാല് ഖനനം, വന്കിട കെട്ടിട നിര്മ്മാണം എന്നിവക്ക് നേരത്തെ വ്യവസ്ഥ ചെയ്ത നിയന്ത്രണങ്ങള് തുടരും.
ബഫര് സോണില് കെട്ടിട നിര്മ്മാണമുള്പ്പെടെ എല്ലാ വിധ നിര്മ്മാണ പ്രവര്ത്തനങ്ങളും ഖനന പ്രവര്ത്തനങ്ങളും തടഞ്ഞുകൊണ്ട് സമ്പൂര്ണ്ണ നിയന്ത്രണമാണ് നിലവിലുണ്ടായിരുന്നത്. കഴിഞ്ഞ ജൂണ് മൂന്നിലെ സുപ്രീംകോടതി വിധി അനുസരിച്ച്, സംരക്ഷിത ഉദ്യാനങ്ങള്ക്ക് ഒരു കിലോമീറ്റര് ചുറ്റളവില് ബഫര് സോണ് പ്രഖ്യാപിച്ചിരുന്നു. ഈ വിധിക്കാണ് ഇപ്പോഴത്തെ കോടതിവിധിയില് വ്യക്തത കൈവന്നിരിക്കുന്നത്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കഴിഞ്ഞ വര്ഷത്തെ കോടതി വിധിയില് വ്യക്തത തേടി മഹാരാഷ്ട്രയിലെ റിയല് എസ്റ്റേറ്റ് ഡെവലപ്പേഴ്സ് അസോസിയേഷനാണ് ഹര്ജി നല്കിയത്. ഇതിനുമേല് ജസ്റ്റിസ് ബി ആര് ഗവായിയുടെ നേതൃത്വത്തിലുള്ള സുപ്രീം കോടതി ബെഞ്ചാണ് ഇളവുകളോടുകൂടി ബഫര് സോണ് നിയന്ത്രണം തുടരാനുള്ള വിധി പുറപ്പെടുവിച്ചിരിക്കുന്നത്.