തിരുവനന്തപുരം: മോക്ക ചുഴലിക്കാറ്റ് ഇന്ന് ഉച്ചയോടെ തീരം തൊടുമെന്ന് കേന്ദ്ര കാലാവസ്ഥാ വകുപ്പ്. തെക്കുകിഴക്കന് ബംഗ്ലാദേശിനും വടക്കന് മ്യാന്മറിനുമിടയ്ക്ക് കരയില് പ്രവേശിക്കുമെന്നാണ് പ്രതീക്ഷിക്കുന്നത്. മണിക്കൂറില് 190 കിലോമീറ്റര് വേഗതയില്വരെ കാറ്റടിച്ചേക്കുമെന്നാണ് റിപ്പോര്ട്ട്. ഇതിന്റെ ഫലമായി കേരളത്തില് ഒറ്റപ്പെട്ടയിടങ്ങളില് ഇടിമിന്നലോടുകൂടിയ കനത്ത മഴയ്ക്ക് സാധ്യതയുണ്ട്. എന്നാല് ഒരു ജില്ലയിലും പ്രത്യേക മഴ മുന്നറിയിപ്പില്ല. കേരളത്തെ മോക്ക ചുഴലിക്കാറ്റ് നേരിട്ട് ബാധിക്കില്ലെങ്കിലും സംസ്ഥാനത്ത് കനത്ത മഴയുണ്ടാകാന് സാധ്യതയുണ്ടെന്നും ജാഗ്രത പാലിക്കണമെന്നും കാലാവസ്ഥാ വകുപ്പിന്റെ മുന്നറിയിപ്പുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
മോക്ക ചുഴലിക്കാറ്റ് തീരംതൊടുന്ന സമയത്ത് മണിക്കൂറില് 200 കിലോമീറ്റര് വേഗതയുണ്ടാവുമെന്നാണ് കാലാവസ്ഥാ വകുപ്പിന്റെ അറിയിപ്പ്. അതിനാല് ബംഗ്ലാദേശിലും മ്യാന്മറിലും കനത്ത നാശനഷ്ടമുണ്ടാകാന് സാധ്യതയുണ്ട്. അതേസമയം, ചുഴലിക്കാറ്റ് മുന്നറിയിപ്പിനെത്തുടര്ന്ന് തെക്കുകിഴക്കന് തീരങ്ങളില്നിന്ന് ലക്ഷക്കണക്കിന് ആളുകളെ ഒഴിപ്പിക്കാനുളള തയ്യാറെടുപ്പിലാണ് ബംഗ്ലാദേശ്. ദുരന്തനിവാരണ സേനയുടെ കണക്കനുസരിച്ച് അഞ്ചുലക്ഷംപേരെയാണ് ഒഴിപ്പിക്കുക. ഇവര്ക്കായി 1500 ഓളം ക്യാംപുകള് ഒരുക്കിയിട്ടുണ്ട്. തീരദേശത്ത് വെളളപ്പൊക്കത്തിനും മണ്ണിടിച്ചിലിനും സാധ്യതയുണ്ടെന്ന് അധികൃതര് മുന്നറിയിപ്പ് നല്കി.