കൊച്ചി: സിനിമാ സീരിയല്‍ നടന്‍ സിപി പ്രതാപന്‍ അന്തരിച്ചു. 70 വയസായിരുന്നു. ആരോഗ്യ പ്രശ്നങ്ങളെ തുടര്‍ന്ന് കൊച്ചിയിലെ സ്വകാര്യ ആശുപത്രിയില്‍ ചികിത്സയിലിരിക്കെയാണ് അന്ത്യം. 1987-ൽ ചെപ്പ് എന്ന ചിത്രത്തിലൂടെയാണ് സിനിമാലോകത്തേക്ക് അരങ്ങേറ്റം കുറിക്കുന്നത്. സ്വർണ്ണകിരീടം, മാന്ത്രികക്കുതിര, തച്ചിലേടത്ത് ചുണ്ടന്‍, ശ്രീകൃഷ്ണപുരത്തെ നക്ഷത്രത്തിളക്കം, അച്ഛനുറങ്ങാത്ത വീട്, ലയണ്‍ തുടങ്ങി നിരവധി സിനിമകളില്‍ ചെറുതും വലുതുമായ കഥാപാത്രം കൈകാര്യം ചെയ്തു.
ഇന്ത്യാ ടുഡേ എറണാകുളം മാർക്കറ്റിങ്‌ റീജണൽ ഹെഡായി പ്രവർത്തിച്ചിട്ടുണ്ട്‌. ജീവൻ ടിവി എറണാകുളം ജനറൽ മാനേജരായിരുന്നു. കലാകൗമുദി, ഇന്ത്യൻ എക്‌സ്‌പ്രസ്‌ എന്നിവിടങ്ങളിലും മാർക്കറ്റിങ്‌ വിഭാഗത്തിൽ ജോലി ചെയ്തു. സ്‌ത്രീ, മാനസപുത്രി തുടങ്ങി 80-ല്‍ അധികം സീരിയലുകളില്‍ അഭിനയിച്ചു.
