കൊച്ചി: നടന് ഹരീഷ് പേങ്ങന് അന്തരിച്ചു. കൊച്ചിയിലായിരുന്നു അന്ത്യം. കരൾ സംബന്ധമായ അസുഖത്തെത്തുടർന്ന് എറണാകുളത്തെ അമൃത ആശുപത്രിയിൽ ചികിത്സയിലായിരുന്നു. വയറു വേദനയുമായി ആശുപത്രിയില് പ്രവേശിപ്പിച്ചതോടെയാണ് കരള് രോഗം സ്ഥിരീകരിച്ചത്. കരൾ ദാനം ചെയ്യാൻ ഹരീഷിന്റെ ഇരട്ട സഹോദരി ശ്രീജ തയാറാണെങ്കിലും ചികിത്സയ്ക്കു ഭീമമായ തുക ആവശ്യമായി വന്നിരുന്നു. ഇതിനുപിന്നാലെ ഹരീഷിന്റെ ചികിത്സയ്ക്കായി സുഹൃത്തുക്കൾ സാമൂഹ്യമാധ്യമങ്ങൾ വഴി സഹായം അഭ്യർത്ഥിച്ചിരുന്നു. ഇതിനിടെയാണ് നടന്റെ അപ്രതീക്ഷിത വിയോഗം.
മഹേഷിന്റെ പ്രതികാരം, ഷഫീക്കിന്റെ സന്തോഷം, ഹണീ ബി 2.5, വെള്ളരിപ്പട്ടണം, ജാനേ മന്, ജയ ജയ ജയ ഹേ, പ്രിയന് ഓട്ടത്തിലാണ്, ജോ&ജോ, മിന്നല് മുരളി തുടങ്ങി നിരവധി സിനിമകളില് വേഷമിട്ടിട്ടുണ്ട്. വിജയ രാഘവന് കേന്ദ്രകഥാപാത്രമായി എത്തിയ പൂക്കാലമാണ് ഹരീഷ് പേങ്ങന്റെ അവസാനം റിലീസായ ചിത്രം.