തിരുവനന്തപുരം: സംസ്ഥാനത്തെ സ്കൂളുകള് നാളെ തുറക്കും. മൂന്ന് ലക്ഷത്തിലധികം കുട്ടികളാണ് ഈ വര്ഷം ഒന്നാം ക്ലാസിലേക്ക് എത്തുക. അധ്യായന വര്ഷം ആരംഭിക്കാനുള്ള എല്ലാ തയ്യാറെടുപ്പുകളും പൂര്ത്തിയായതായി വിദ്യാഭ്യാസ വകുപ്പ് അറിയിച്ചു. രണ്ടു മാസത്തെ മധ്യവേനലവധിക്ക് ശേഷമാണ് സ്കൂളുകള് നാളെ തുറക്കുന്നത്. മലയന്കീഴ് സ്കൂളില് നടക്കുന്ന സംസ്ഥാനതല പ്രവേശനോത്സവം മുഖ്യമന്ത്രി പിണറായി വിജയന് ഉദ്ഘാടനം ചെയ്യും. ജില്ലാതലങ്ങളില് നടക്കുന്ന പരിപാടിക്ക് വിവിധ മന്ത്രിമാര് ആകും തുടക്കം കുറിക്കുക.
ലളിതവും ഒപ്പം വ്യത്യസ്തവുമായ രീതിയില് പ്രവേശനോത്സവം ഒരുക്കാനാണ് സ്കൂളുകള്ക്ക് നല്കിയിട്ടുള്ള നിര്ദേശം. വിവിധ വകുപ്പുകൾ ഏകോപിപ്പിച്ചുകൊണ്ടാണ് സ്കൂള് തുറക്കുന്നതിന് വേണ്ട ഒരുക്കങ്ങൾ പൂര്ത്തിയാക്കിയിട്ടുള്ളത്. ഈ അധ്യായന വര്ഷം 220 പ്രവൃത്തി ദിനങ്ങളാക്കാനുള്ള നീക്കത്തില് നിന്നും അധ്യാപക സംഘടനകളുടെ എതിര്പ്പിനെത്തുടര്ന്ന് സര്ക്കാര് പിന്മാറിയിരുന്നു. വിദ്യാലയങ്ങളില് 204 പ്രവൃത്തി ദിനങ്ങള് ഉറപ്പാക്കാനാണ് ഇപ്പോൾ ധാരണയായിട്ടുള്ളത്.