കൊച്ചി: പ്രഭാസ് നായകനാകുന്ന ആദിപുരുഷ് സിനിമയുടെ ട്രെയിലര് പുറത്തിറങ്ങി. രാമായണത്തെ അസ്പദമാക്കിയാണ് ആദിപുരുഷ് ഒരുക്കിയിരിക്കുന്നത്. തിന്മക്ക് മുകളില് നന്മയുടെ വിജയം എന്നാണ് ചിത്രത്തിന് ടാഗ് ലൈന് നല്കിയിരിക്കുന്നത്. ഓം റാവത്താണ് സിനിമ സംവിധാനം ചെയ്തത്. ടി സീരിസാണ് ചിത്രത്തിന്റെ നിർമാണം. നേരത്തെ റിലീസ് ചെയ്ത ടീസര് വൻ വിമർശനങ്ങള്ക്കും ട്രോളുകള്ക്കും വഴിയൊരുക്കിയിരുന്നു. ഇതിന് മറുപടിയെന്നോണമാണ് അണിയറ പ്രവര്ത്തകര് പുതിയ ടീസര് പുറത്തുവിട്ടത്.
വി എഫ് എക്സിന് ഏറെ പ്രാധാന്യമുള്ള സിനിമയുടെ ബജറ്റ് 500 കോടിയാണ്. ജാനകിയായി കൃതി സനോണും ലക്ഷ്മണനായി സണ്ണി സിങ്ങും ഹനുമാനായി ദേവദത്ത നാഗേയും രാവണനായി സെയ്ഫ് അലി ഖാനുമാണ് വേഷമിടുന്നത്. ത്രീഡിയിലാണ് ചിത്രം ഒരുങ്ങുന്നത്. ഹിന്ദി, തെലുങ്ക്, കന്നഡ, തമിഴ് എന്നീ ഭാഷകളിലാണ് സിനിമ പ്രേക്ഷകര്ക്ക് മുന്പിലെത്തുക. ബോളിവുഡ് ഹംഗാമയുടെ കണക്ക് പ്രകാരം സാറ്റലൈറ്റ്, ഡിജിറ്റല്, മ്യൂസിക്, മറ്റ് റൈറ്റ്സുകളുടെ വില്പ്പന വഴി 247 കോടി രൂപയാണ് ചിത്രം നേടിയത്. ജൂണ് 16-നാണ് സിനിമ റിലീസ് ചെയ്യുക.