ഡല്ഹി: തങ്ങളുടെ ജീവന് പോലും അപായത്തിലാകുന്ന സാഹചര്യങ്ങളെ തൃണവല്ഗണിച്ചുകൊണ്ട് കോവിഡിനെതിരെ പോരാടാന് സന്നദ്ധത കാണിച്ച ആരോഗ്യ പ്രവര്ത്തകരെ ആദരിക്കുന്നതിന്റെ ഭാഗമായാണ് സൈന്യം ചടങ്ങ് സംഘടിപ്പിച്ചത്. പ്രധാനമന്ത്രി നരേന്ദ്ര മോദിയുടെ പ്രത്യേക നിര്ദ്ദേശപ്രകാരമാണ് ഇത്.
കോവിഡിനെതിരെ വലിയ രീതിയില് പൊരുതേണ്ടി വന്ന സ്ഥലങ്ങളിലും നഗരങ്ങളിലും പ്രധാനപ്പെട്ട ആശുപത്രിക്ക് മുകളിലും വ്യോമ സേനയുടെ പ്രത്യേക വിമാനങ്ങള് പറന്നെത്തി പുഷപവൃഷ്ടി നടത്തി.
ധീരതയോടെ കോവിഡിനെതിരെയുള്ള പോരാട്ടത്തില് മുന്നണിയില് നിന്ന് പൊരുതുന്നവരെ ആദരിക്കുന്ന ഈ ചടങ്ങ് മഹത്തായ ഒരു പ്രവൃത്തിയാണെന്ന് പ്രധാനമന്ത്രി നരേന്ദ്ര മോദി ട്വിറ്ററില് കുറിച്ചു.