തിരുവനന്തപുരം: എന്ഫോഴ്സ്മെന്റ് ഡയറക്ടറേറ്റ് ഭരിക്കുന്ന രാജ്യത്താണ് നാം ജീവിക്കുന്നതെന്ന് സംവിധായകന് ടി വി ചന്ദ്രന്. നേരത്തെ ആരെയും ഭയക്കാതെ ഡോക്യുമെന്ററി ഫിലിമുകള് നിര്മ്മിക്കാനാവുമായിരുന്നെന്നും ഇപ്പോള് സിനിമയെടുക്കാന് ഇഡിയെ ഭയപ്പെടേണ്ട സ്ഥിതിയാണുളളതെന്നും ടി വി ചന്ദ്രന് പറഞ്ഞു.
തിരുവനന്തപുരം കൈരളി തിയറ്ററില് പതിനഞ്ചാമത് രാജ്യാന്തര ഡോക്യുമെന്ററി ഷോര്ട്ട് ഫിലിം ഫെസ്റ്റിവലില് പങ്കെടുത്ത് സംസാരിക്കുകയായിരുന്നു അദ്ദേഹം. ചലച്ചിത്ര രംഗത്തെ സമഗ്ര സംഭാവനയ്ക്കുളള സംസ്ഥാന സര്ക്കാരിന്റെ ഇത്തവണത്തെ ജെ സി ഡാനിയേല് പുരസ്കാരം നേടിയ സംവിധായകനാണ് ടി വി ചന്ദ്രന്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
'എന്ഫോഴ്സ്മെന്റ് ഡയറക്ടറേറ്റ് ഭരിക്കുന്ന രാജ്യത്താണ് നാമുളളത്. അവരെ ഭയന്ന് ജീവിക്കേണ്ട സ്ഥിതിയാണ്. ഗുജറാത്ത് കലാപത്തെക്കുറിച്ച് രാകേഷ് ശര്മ്മയ്ക്ക് ഡോക്യുമെന്ററി നിര്മ്മിക്കാനായത് അന്ന് ഇഡി ഭരണം ഇല്ലാത്തതുകൊണ്ടാണ്. എന്നാല് ഇന്ന് സിനിമ നിര്മ്മിക്കുന്നവര് ഇഡിയെ ഭയക്കണം'- ടി വി ചന്ദ്രന് പറഞ്ഞു. പതിനഞ്ചാമത് രാജ്യാന്തര ഡോക്യുമെന്ററി ഷോര്ട്ട്ഫിലിം ഫെസ്റ്റിവല് സാംസ്കാരിക വകുപ്പ് മന്ത്രി സജി ചെറിയാനാണ് ഉദ്ഘാടനം ചെയ്തത്.