ലോക്ഡൗണിനെ തുടർന്ന മാറ്റി വെച്ച എസ്എസ്എൽസി പരീക്ഷ ഈ മാസം അവസാനം നടത്തിയേക്കും. ഈ മാസം 21 നോ 26 നോ പരീക്ഷ പുനരാരംഭിക്കാനാണ് വിദ്യാഭ്യാസ വകുപ്പ് ആലോചിക്കുന്നത്. ലോക് ഡൗണിന്റെ പശ്ചാത്തലത്തിൽ 3 പരീക്ഷകളാണ് മാറ്റിവെച്ചത്. നാളെ നടക്കുന്ന മന്ത്രിസഭാ യോഗം ഇത് സംബന്ധിച്ച് ചർച്ച നടത്തും.
ദേശീയ ലോക് ഡൗണിന്റെ മൂന്നാം ഘട്ടം ഈ മാസം 17 ന് അവസാനിക്കും. രാജ്യത്തിന്റെ പൊതു സ്ഥിതി കൂടി വിലയിരുത്തിയ ശേഷമാകും തീയതി തീരുമാനിക്കുക. എസ്എസ്എൽസി പ്ലസ് ടു പരീക്ഷകൾ ഒരുമിച്ചും പ്ലസ് വൺ പരീക്ഷ പിന്നീടും നടത്താനാണ് സർക്കാർ ആലോചിക്കുന്നത്. മൂല്യ നിർണയം സംബന്ധിച്ചും സർക്കാർ തീരുമാനം എടുക്കേണ്ടതുണ്ട്. ചില കേന്ദ്രങ്ങൾ മാത്രം മൂല്യ നിർണയത്തിനായി തെരഞ്ഞെടുക്കുന്നതിനെപറ്റിയം ആലോചനയുണ്ട്.
